1 Kala vigimkovila Yobi ikawota deli ikagagi yamla la kaloubusi.
4 Kukivili yam makwaina bidudubila.
5 Kuvagi makwaina yam kwaigugugu deli kulududubila.
6 Kukwau bogi makwaina kuligaiwa,
7 Kuvigaki bogi makwaina gala valulu, gala mwasawa.
8 Kuvigaki tomigameguva bibulotaisi yam makwaina,
9 Taga kutagwala Kubwanayam biyuwoula bogi makwaina.
10 Kukwagagi bogi makwaina paila itugwalaigu lakaloubusi,
11 Wooi, desila bakaliga olopola inagu,
12 Avaka paila inagu eikopwaigu?
13 Kidamwa bakaligabogwa, bogwa lauvaiwasi baisa tuta,
14 e amasisi makawala gweguya deli tokwaraiwaga matausina
15 E iboda bamasisi makawala gweguya litusia,
16 kaina bamasisi makawala gwadi gudimata.
17 Olumoulela laka tomitugaga bisaimwaisi si mitugaga,
18 Makawala goli tokatupipi biluva uwosi
19 Taitala taitala isisu baisa, matausina isim bulogasi deli matausina gala bulogasi.
20 Avaka paila kutugwali tomota eisisuaisi gaga?
21 Itulotulasi paila kaliga, mitaga kaliga gala avai tuta ima.
22 Matausina bimwasawasi e bikaimwanasi avai tuta bibodaisi kasi laka.
23 Yaubada ikatupwani avaka bikaloubusi omitasi,
24 Kaimapula kamkwam yeigu auvalam wala,
25 Avaka avaka akukoli deli anokubukubu,
26 Yeigu gala asibwabwaila, gala vaiwasi,