1 Mimilisi valu ikikelaisi siliba metoya opwaipwaia;
2 Tomota ikelaisi tanumnumta aiyani metoya opwaipwaia.
3 Tomota bogwa eisisavalaisi ambaisa saina dubilikitakita.
4 Saina kaduwonaku olumoulela pwaipwaia tomota gala isisikaisi,
5 Kaula tabigulaisi odabala wala pwaipwaia,
6 Dakuna makwaisina olumoulela pwaipwaia ikalumoli deli dakuna sapaya.
7 Kilakila gala ibodi bigisi kedala bila ambaisa eikilikelisi,
8 Gala avai tuta laiyoni kaina avai mauna minasina nagigasisi bisukwaisi keda
9 Tomota ikusovaisi dukumaga,
10 Avai tuta bikilikelisi oluwalaisi dakuna,
11 Matausina ikilikelisi wala ilosi isakailasi ambaisa waya eivitouula
12 Mitaga kabitam ambaisa ibodi bitabanaisi?
13 Kabitam gala bitabani metoya baisa tomota;
14 Tilibwabwau deli bolita komwaidona iyakalibwabwailasi wala,
15 Kabitam gala ibodi bitagimloki metoya siliba kaina goula.
16 Goula saina kwevivivila deli soulava mapusi
17 Kabitam saina vavagi kwaiveka, ikalisau goula.
18 Kabitam mapula ikalisau mapusi lada, dakuna yasipa,
19 Dakuna yagala topasi saina kwevivivila deli goulatoula mapusi
20 E mitaga kabitam uulotoula ambaisa ibodi bitabani?
21 Bubuli kwemmomova gala kwaitala ibodi bigisi kabitam,
22 Makawala goli kaliga deli kabomwau
23 Yaubada wala kalamwaleta inikoli kedala.
24 Paila matauna matala la gigisa bilai bila wala
25 Avai tuta Yaubada isaiki yagila la peula
26 avai tuta Yaubada leinagi ammakatupona kuna bikuna,
27 e metoya baisa matauna igisi kabitam e iwakoli ammakawala la peula -
28 Yaubada iluki tomota kawala,