1 Avaka paila Yaubada gala inagi tutala kaboyakala;
2 Tomota isisaibibilasi kaligei paila biyoulisi tuvaila si pwaipwaia;
3 Matausina tuvaila iveilauwaisi si ase magudisina weilova,
4 Matausina isilibodaisi tonamakava gala bikauwaisi avaka si vavagi tatousi,
5 E mapaila tonamakava binainevisi wala kʹasi oviloupakala,
6 Matausina bititayoyuwasi osi bagula ituwoli tomota,
7 E wa bogi bimasisisi bikanumakavasi wala tomdumwadu;
8 Kuna wa koya bikunumati wala matausina,
9 Tomitugaga ikatulebwaisi magudisina gudikubukwabuya
10 E tonamakava bililoulasi tomdumwadu wala gala avaka bikapolaisi uwosi;
11 Matausina bipulopolasi olibe paila bulami,
12 Olopola valu vilouveka matausina isim kasi kalibwaga
13 Mimilisi tomota ipakaisi lumalama;
14 Tutala ikikivi visiga tokatumata bitokaia wala bisunapula
15 E tokailasi biuwayausa wala momwaila wala bidudubali matala;
16 E wa bogi toveilau bikikopwalasi wala bwala,
17 Matausina ikukolaisi yam
18 Tau matauna tomitugaga sakala bidumyelu bilau,
19 Makawala sopi bimada metoya yuviyavila waigigi,
20 Ilagoli inala tatoula gala wala biluluwai matauna;
21 Baisa makawala bikaloubusi paila uula iyomiyuyu kwabuya,
22 Yaubada metoya ola peula ikatudoum availa availa matausina topapeula.
23 Kidamwa Yaubada bitagwala bikoli matauna,
24 Tomitugaga la kaisisu bikobaluluva tuta pikekita wala,
25 Ki, availa ibodi bikamitulaisi kidamwa gala bikaloubusisi makawala?