1 Yaubada ilivala kawala,
2 “Avai tau leimai matauna totomgwaga metoya opilibomatu,
3 Matauna ibokavili matausina ilau, mitaga tominabwaita wala.
4 Availa eivigaki makawala baisa eikaloubusi ke?
5 “E tomotala valu makwaisina omiloutala bogwa leigisaisi avaka yeigu lavagi.
6 E matausina toyoudila ipipilasisi deli ikikatupewolaisi taitala baisa taitala.
7 E matauna tokaliai biluluki matauna goula kala topaisewa, kawala, ‘Bogwa kuvigibau!’
8 “Mitaga yokomi mina Isireli, yokomi ulo towotetila.
9 Ka, yeigula lamaiyaimi metoya ovalu watanawa okala vigimkovila.
10 E gala bukukokolasi - ka, yeigu goli deli yokomi!
11 “E matausina igibuluwaimi
12 e bogwa bitamwausi mokwita metoya ovalu watanawa.
13 Yeigu goli Guyau mi Yaubada.
14 E Guyau ilivala kawala,
15 Ka, bogwa bavigakaimi makawala kaitala tayoyuwa daimala,
16 E yokomi bukulavaisi wawa biloula walakaiwa,
17 “E avai tuta ulo tomota bogwa bipakala kaiyasi kasi daka,
18 Yeigu bogwa bavagi waya bititayelusi oluwalaisi koya makwaisina kwaiukuwokuva,
19 Yeigu bogwa bavagi kweisila bisusinasi oviloupakala, deli goli meku, gumgwam toyo olibe.
20 E tomota bigisaisi baisa e binikolaisi
21 Ka! Guyau matauna guyoula Isireli la biga baisa makawala.
22 Kuvasekalasi kumaisi e kuvitoubobutasi avaka bikaloubusi,
23 E kulukwaimasi avaka tuta omatadasi bikaloubusi,
24 Ka! Yokomi gala wala avaka dimlemi, deli komwaidona avaka avaka lokuuvagaisi gala wala dimlesi.
25 “Ka, yeigu bogwa lanagi taitala tau eisisu mapilana opilibomatu.
26 Ki, availa natana yokomi eivitububoti mwada bikaloubusi makawala,
27 Ka! Yeigu wala Guyau, e yeigu wala alivalabogwa baisa mina Saiyoni paila bulogala vavagi makwaina.
28 Avai tuta lagigisi minasina tokolu,
29 Komwaidosi minasina yaubada gala wala dimlesi,