1 Kwaitala yam igau bima tomota biwosaisi mapilana wosi oviluwela Yuda, kawasi,
2 Taulaimwaisi valu kalapisilesi
3 Yoku Guyau kusaiki vakota mokwita
4 Bitadubumaisi Guyau tuta komwaidona,
5 Matauna bogwa ivabu watanawa matausina mina kamnomwana;
6 E availa availa omitibogwa matausina eilamidadaisi
7 Mwa Guyau yoku lokukwatudubuni si keda mina mitukwaibwaila;
8 Yakamaisi bakabokulaisi nanom e ma pikwakusi bogwa lakavatobusi baisa yoku;
9 Wa bogi kam nananamsa iyokupataigu;
10 Ilagoli yoku bukumitukwaii mina mitugaga,
11 Kam tilaula gala inikolaisi bukumipuki matausina.
12 Guyau, yoku bukuvigakaimasi bakasibwabwailasi;
13 Guyau yoku ma Yaubadasi.
14 Baisa tuta matausina bogwa leikaligasi e gala tuvaila bimovavausi;
15 Guyau, bogwa lokuvigaki ma bodasi eikwaiveka,
16 Guyau yoku kumipuki m tomota,
17 Guyau, yoku kuvigakaimasi kawaiweyasi,
18 Yakamaisi toyo kama mmayuyusi deli kala kaikai ninamaisi,
19 Komwaidosi ma tomotasi matausina bogwa leikaligasi igau bimovavausi!
20 Yokomi ulo tomota, kusuvisi omi bwala e kukwatubodaisi kami yoyu. Bukusupepunisi olumoulela tuta pikekita wala, tatoula wala Yaubada la gibuluwa biwokuva.
21 Ka, Guyau bibusi bima metoya ola kabosisu wa labuma paila bimipuki mina watanawa paila si mitugaga. E katumata makwaisina leikiwolaisi ovalu watanawa bogwa biyoumatilasi, e pwaipwaia gala ibodi bikatupwani matausina availa availa leikatumataisi.