1 Baisa Abakuki tovitoubobuta la nigada.
2 Mwa Guyau! Bogwa lalagi avaka bogwa lokuvagi,
3 Ka, Yaubada bogwa bikaimilavau tuvaila metoya Edom.
4 Matauna bima deli lumalamela kavikavila.
5 Matauna iwitalibogwi lelia bilobogwa omatala,
6 Ka, avai tuta matauna bitoli, valu watanawa iigayega.
7 E ka, bogwa lagisi mina Kusani ikokolasi,
8 Mwa Guyau! Ki, makaduyosina waya eivigakaimsi lokugibuluwa?
9 Yoku bogwa lokukwatubiasi m kwaiyala,
10 Tuta makwaina koya igisaimsi, komwaidosi itatuvasi.
11 Metoya kala kavikavila m kwaiyala makaisina gala tumokoyala,
12 Yoku kuvautuutu e kuluvapela ovalu watanawa deli m gibuluwa.
13 Yoku kusunapula paila bukukoli m tomota,
14 M kwaiyala ibasi matauna kumatoula la tokwabilia,
15 Metoya om wosa minasina kuvapupoi bolita,
16 Alilagi vavagi makwaisina e atatatuva goli,
17 Ilagoli kaina seuseu gala wala kaiuwasi
18 mitaga yeigu desi wala bammwasawa deli bakaimwana,
19 Guyau ikikatupewolaigu.