1 E avai tuta Guyau ikoli Debida metoya oyamala Saulo e deli goli metoya oyumasi ituwoli tilaula, e Debida iwosi mapilana wosi baisa Guyau. Wosila tomgwaga|src="HK 00188" size="col" copy=" Musical instruments " ref="22.1"
2 Guyau matauna agu taboda.
3 Ulo Yaubada matauna agu taboda,
4 Adou baisa Guyau,
5 Kaliga kaisaila itavinaigusi itapataigusi.
6 Kabokaliga itavinaigusi itapataigusi,
7 Olumoulela agu mwau adou baisa Guyau.
8 E pwaipwaia imotatina deli iyega,
9 E mseu isusunapula metoya okabulula.
10 E ikatuvi gawata ikapogega e ibusi,
11 E iyoyowa saina nanakwa ola waga kaibibiu makaina labuma wagela,
12 Dudubila ikuboli tomwaidona,
13 Dakuna kwekikapolu ipeipela mlimwalila metoya okavikavila omatala matauna.
14 E oluvi Guyau ibutupilapala metoya ogawata,
15 Matauna iluvalova la kaiyala deli ibutugigai kala tilaula
16 Bolita tukutakula ikanumakava,
17 Guyau ikalakova metoya walakaiwa e matauna iyosigu,
18 Matauna ikolaigu metoya osi peula agu tilaula,
19 E avai tuta laboda mwau, e matausina iwawaigusi,
20 Matauna ipilasaigu metoya osilagi.
21 Guyau imapwaigu paila uula avagi avaka duwosisia.
22 Yeigu akabikuwoli Guyau la karaiwaga,
23 Yeigu akabikuwoli komwaidona Guyau la karaiwaga,
24 Matauna bogwa inikoli yeigu gala wala isim pikolela wowogu.
25 Mapaila matauna imapwaigu paila uula avagi avaka duwosisia.
26 Mwa Guyau! Kukimidagi matausina availa availa ikimidagaimsi,
27 Paila yoku tomigileu omitasi matausina availa availa tomigileu wala.
28 Yoku kukwatumovi matausina availa availa tommanum,
29 Mwa Guyau! Yoku ulo lumalama,
30 Yoku kusakaigu peula kidamwa bawaiya agu tilaula,
31 Matauna Yaubada - mokwita wala bwainawokuva wala la bubunela,
32 E Guyau kalamwaleta wala Yaubada,
33 Matauna Yaubada ulo kabokwala kwaipeula,
34 Ivigakaigu avamolila makawala minana dia isisakaula gala deli la ninayuwa,
35 Ivakadaigu paila kabilia,
36 Mwa Guyau! Kutabodaigu deli kukolaigu,
37 Yoku kuyamataigu taga agu tilaula biyosigusi,
38 Yeigu abokavili agu tilaula e akalisau matausina.
39 Yeigu akatuyou matausina e gala gagabila bitokaiasi.
40 Yoku kukwatupewolaigu otutala kabilia,
41 Yoku kuvigaki agu tilaula isakaulasi metoya baisa yeigu,
42 Matausina inevisi pilasi, mitaga gala wala availa ikoli matausina.
43 Yeigu akatugunugunu matausina, e imili pwaipwaiasi.
44 Kukolaigu metoya matausina tokominimani idokaisi bikalisauwaigusi.
45 Togilagala ikululusi omatagu
46 Matausina bogwa leiwokuva si tuvaluwa,
47 Guyau Tosivagasi! Kuyakawolaisi matauna agu taboda!
48 Matauna ivigakaigu latomgwaga odubasi agu tilaula.
49 deli ikolaigu metoya agu tilaula.
50 E mapaila bayakawolaim wala oluwalaisi boda komwaidona.
51 Yaubada iuvigaki saina kwaiveka tomgwaga baisa la guyau,