1 Go agaa-re King Lemuel-na agaa. Agime agaa mana loa epe kone minalo lakesa.
2 Nina naaki nere nina madiawa-pulu neme ne raaname waru ome.
3 Neme ona meda nayoloa money page nakaloa nena puri dia yalia.
4 Lemuel-yo king nimi ipa waini na-nape.
5 Gore nimimi ipa agu nalimi raburi rekana agaa ruguloa mo aa naraanu-para epea meda mada napalimi.
6 Pa bia-para waene lapo-re omape onaa-para kedaa adaapu rini onaana nape eta yade.
7 Go piane onaare ipa nalame omalimiri pa nalimina.
8 Kedaa madaa nariape kepele pi onaare rabameape agaa lape.
9 Neme koso te rabu mogo onaanu epe-rupa redepoya pagape.
10 Go yapare aame ona epe kone-i rumaatalo pe?
11 Go piaene ona nipuna aanimi mo onana pea luabu epea peada aba adea.
12 Go ona-me aani-para oro yalo epea agu pea.
13 Nipumi laplap wariape ope adaapu page pusua laplap adaapu wari pea.
14 Nimu luabumi eta ora adaapu waru imi.
15 Epe onamere yapi abi nane aina eta nipuna onaa raapu nape aba yawea.
16 Mo puri pane oname su kabolalore su ora waru adoa kabea.
17 Nipu oro meda gime naomea oro yalo puri paloa kogono puaaya.
18 Nipuna labana wiki ora waele waru rubia epeta rabu laba waru roaaya.
19 Go piaaene oname ope waria nipuna bipa laplap rabuta.
20 Gore nipumi mo naraa onaa adoa oyaenu rudu teme rabulu kata.
21 Gore yai radaki adaa lopea rabu page nipuna aani nogo naaki yada dia kone ia.
22 Goa pua nipuna ada-para sape balaket oyae page nipuna bipa rabuta-pulu nimuna ada-para epeta.
23 Gore mo adare-para piri aa mudunumi nipu adaa bi kateme.
24 Oro yalo mo oname epe mamina waria aako lete page waru warita.
25 Nipuna mogo pea kogono madaa mo ona ora epeta kone sua mo ona kone mapiraawa go piane ona yade teme.
26 Nipumi onaa kogono mogeatalo palia-dare pawasi agaa loa pea.
27 Nipuna ada-para oyae surubolalo palia raburi gime na-omea.
28 Ora epeta ora epeta gore niaana ama teme. Mo ona nipuna nogo naakimi goa teme.
29 Niaana taun-para page niana oge adarenu-nini page go piane ona adaapu pimi:
30 Ona padaneme niaa epe rede pi agaa lagialia pare nipuna peare rado piane.
31 Niame ona nipuna epe kogono adoa nipuna epe kone page rumaawa nipuna bi minasaeme.