1 Aa-me ipa bia adaapu noa wae agaa adaapu lo yada marekaawa agaa adaapu tea.
2 Aa mudu king nipumi ratu yawoa puri pane agaa ta rabu onaa paala ma-saaya. Gore mo kiraa mena laiyono-me buai ta-rupa mada king-mi goa pea.
3 Aa medame yada pape kone gimaliare nipu epe bi mealia.
4 Kiaa rakepene aame eta wai poape yapi di rabu maapu su naweare kiaa rakepe pea.
5 Aa-na konere ipa ini adaa naaku piade-rupa mada yade.
6 Aa adaapumi nimuna adami onaa raaname omema lo gupa teme.
7 Gore aaraa ora epe kone sua epe pora ritua piralia rabu nipuna sinumi raana omalimi.
8 Gore aa mudu king nipumi koso pagolalo pea raburi mo kaso ta epeme aanuna kone waru adoa rumaaya.
9 Niri Gote-na ini-agaa mada ora epe redepone aa awayolo aapimi mada tea pae?
10 Onaanumi oyae kabenalo pare aa medame makirae agaa tea-daare
11 Niaame naakinu aba adoa rumaema nipu epe naaki nipu wae naaki lo.
12 Adaa Aa-me niaana ini mariayare oyae adamonalo pisa aane ma-saare agaa pagomonalo pisa-ga waru adamina.
13 Ne oro yalo u-pati aa yaliare mone oyae diayalia rabu naara pirali.
14 Aa meda oyae kabolalo pea pare mo yaena yoto ora adaa pea rabu nipumi agaa adaapu ta.
15 Epe kone imi onaana agaa teme raburi pa aa medalomana golo rabuaeme.
16 Gore aa medana yago nipumi pa aa medana rudu abulalua agaa loa yapare wala na-abuteadaare waea pea. Gore nipumi epea go napea-daa.
17 Yaa agaa loa mua ne etanuri rede pi eta meda kone i pare oropere go paake ne etare wae yae yana kone sali.
18 Neme epe kone aba mealiri orope nena palide kogono epealia.
19 Aa meda yago mada maa agaa pawa yaa agaa ne aa raapu ne ada mua naape. Goa pua neme kudiripi agaa meda lakete rabu wala mo aa meda pua lakeloa laame tea.
20 Aa medame agi aaraanu wae agaa teare go aa nipu ora omalia.
21 Aa medame agi aaraa lapo pa pirina nipuna moae luabu aba mealiare go oyae luabu epe-rupa mada nasalia.
22 Aa medame ne-para wae paliare neme nipuna wae-yae abi na-abulape.
23 Aame oyae kabenalo ruma sua yaa agaa tere Adaa Aa-me go mada raaname naomea.
24 Adaa Aa-me pora luabu niaa go su-amaa pa piramona aba maredepoya saaya.
25 Adaa Aa nipu Gote opa kalape yaere kone aba maarekawa sape.
26 Epe aa mudu king-mi waea peme onaana koso pagoa nimuna wae-yae adoa rumalia.
27 Niana kone wasupa Adaa Aa-me gisare wae oyae waru adoa rumaawa piramonalo laba paa-rupa niaa madaa mapirasa.
28 Go yapare king nipumi nipuna onaanu madaa epea agu pua odome omea.
29 Niaame ogegeaanuna puri ado epeta kone ima.
30 Aa medame wae palia rabu neme nipu aipuyame kudu tali rabu nipuna wae yae mada gimalia.