1 Solomon nipumi epe-rupa pirape agaa rudu-rudu medaloma tusua gupa-sa.
2 Ne mone paake noa ama-aalidare, nena go moneme ne epe-rupa naraba mealia rabu ne epe-rupa mada na-aali.
3 Adaa Aa-me nipu madaa kone rulaawa pimi onaa, eta nape oyae luabu asa pina kone na-ia.
4 Ki-aa raakepea kogono napaliri, reaeme omoa aa naara pirali pare neme puri paloa kogono waru pali-dare, ne eta page amo yape page ne oyae meda na-rudu tea-pulu epe-rupa aali.
5 Kone waru i aamere eta napeta rabu mea kirita suaaya.
6 Gote-me epe aanuri nipumi nimu waru rabamuaaya.
7 Gore aa epe meda omea raburi onaame go aa-na epe kone niminaawa goa-da pisade loa pedo waru peme.
8 Epe kone-i aanumiri pa aa medame epa-ta agaa page waru aina madu pageme.
9 Epe kone sua epe-rupa piri onaare redepone-rupa pirualimi.
10 Yaa agaa ne aanumi pupitagi adaapu neme pare pupitagi ne aanu nimu yaa agaa adaapu loa waea peme-pulu nimu bebolo talia.
11 Epe redepone aanuna agaa-re ora epe ipa laipi kata ipa-rupa yade.
12 Lo-robaa wae-imi raburi wae-yae maepaaya.
13 Redepone kone i aamere nipuna epe redepone kone agu lapepedepeta.
14 Epe pora ratua epe kone imi aanuri makuae yae waru mua aipapulu nalapaeme.
15 Gore ada kagure kepo pua imi-rupare amone aanu nimuna yaenumi nimu kuta pua ora epe-rupa pimi.
16 Redepone aa-me nipuna yoto-rupare, oro yalo pirama-lama palia.
17 Go yapare aa medame nipu maredepo yaina kone saliadare, kagaa pirape supara palia.
18 Aa medame aa yago meda wae kone saliadare, nipumi yaa agaa loa oro yalo waea-pu rabuae aa pename go aaya-da.
19 Aa medame agaa adaapu loaalia-daare, go aa nipuna agaame page wae-yae yolo rialia.
20 Epe redepone aana agaa-re epe aana silipa-me adea.
21 Epe redepone aa-na agaa-mere onaa adaapu waru rabamea. Goa pea pare onaa epe kone nasalimi-daare go onaa nimu ora omalimi.
22 Go yapare Adaa Aa-me niaa oyaenu pama gea.
23 Epe kone naimi aanu nimu waea pape mada raana waru omoa pupitagi neme.
24 Wae aanuri oyae luabu madaa paalame omalimi rabu go wae yae luabu nimu piri popalia.
25 Gore wae yapi-di meda go wae onaa repara popolalo palia raburi, gome nimu ora madiayaalia. Gore ipa roa oyae luabu kadepe ritade-rupa goa palia.
26 Gore nena kogono pape aare kiaa rakepene aa nameape.
27 Neme Adaa Aa-na pora kurua oro yalo nipuna rolo-para pirali-dare, ne go su-amaaa adaalupu pirali.
28 Adaa Aa-na agaa pagoa rati onaamere, Adaa Aa nipuna pea kogono ado-kiritua raaname ora waru omalimi.
29 Adaa Aa-me epe redepone onaare waru surubea.
30 Epe redepone aanuri nimuna ada kagure-para epe-rupa piruaeme.
31 Epe aanu nimu oro yalo epe kone sua epe pora rateme-pulu, nimu onaa luabu epe agaa lakelo-aeme.
32 Redepone aa-na agaare onaana aane-para rede warupea,