1 Niaya sa o mensahe ni Agur a anak ni Jakeh a vinata na da Ithiel kani Ucal:
2 Akma koavay tawo, ta mararani ako do asa ka vinyay, ta arava o pinangtoktoan ko akma so kasolivan no tawo.
3 Tayto pa abo o kasolivan ko as arava o mapanmo ko do komapet do Dios.
4 Ara dana paro o tawo a makaintindi so kasolivan do hanyit? Ta ara dana paro o tawo a namondan so salawsaw anmana namongos so danom no lamit? Anmana mintodin sia o pamandan no tana aya? Sino paro sia as kano sino o manganak na.
5 “Arava o promisa no Dios a di na patongtongen. Asa sia ka proteksion no komita sia pachipelan.
6 An vatahen mo kayan no vinata na as di naya vinata am ichahoya naymo as kapavoya na nia o kaimo no maydaday.”
7 Tayto o maychadadwa a akdawen ko dimo, O Dios a manam so kadiman ko.
8 Pavawahen mo yaken do kapaydaday as kaparin mo diaken a dia taywara so makasiasi anmana taywara so maynakem. Dawa torohan mo yaken so machinaho do kaylangan ko a kanen.
9 Ta an maybastante ako am tarek ko a vatahen o kadi ko a maykaylanganan dimo. As an oyod ako a makasiasi am tarek ako a manakaw as katoroh ko so pakasnekan do Dios ko.
10 Parahten moava o asa ka pachirawatan do apohen na, ta mavay ka as kapandidiw mo.
11 Mian sa o manganak a omavay so ama da as kadi da torohan so onor do ina da.
12 Mian sa o omahahaw so kaoyod da manamonamo as tori sa oyod a malapos so kaparin no viay.
13 Mian pa sa o omahahaw so kaoyod da mapia. Oyod da ipakamia o karakohan da.
14 Mian sa o bentahe dira do makasiasi kanira no mangaylangan. Parinyen da ya panitan so kaviayan da.
15 Mian o dadwa ka manganak no mayagom a mayalit so ngaran. “Padaw pa!”
16 no angayan no nadiman,
17 No manganak a omtek no malkem dana a ama na anmana no omparoparo so malkem a ina na am mayanong a koyden so mata no kangkang kano kanen no volaw sa a vinyay.
18 Mian sa o maychapat a oyod a ipaychaknin:
19 no somayap a kangkang do kademdeman,
20 Nia o parinyen no malapos as dia sarayan a kakovot a mavakes: mangadwan, marios as kavata na sia, “Taywaran ara o pinarin ko a marahet!”
21 Mian sa o maychapat a makaskeskeh a maparin:
22 asa ka pachirawatan a mayvadiw a patol,
23 asa ka masosolien a mavakes a maychakovot,
24 Mian sa o apat a dedekey a inamaog a oyod a masosolib:
25 Sira o vohawo. Makakaha sa ya pero makapay-iras sa ya so kanen da do rayon.
26 Sira o koneho. Mayet sava ya pero mamarin sa ya so vahay da do kabatoan.
27 Sira o kavaga. Arava o patol da nia, pero mapia o kapaychakasa da an somayap sa.
28 Sira o geget. Mian sa ya do yanan nio as kano makasdep sa ya do palasio.
29 Mian sa o apat a mapia a talamaren an mayam sa:
30 sira o leon a oyod a mayet as abo so ichamo,
31 sira o kaddin,
32 An do nakarahan as di ka nangtokto asna nayplano ka so marahet am somitnan ka na mangtokto.
33 Akma so kapaypavokay no gatas an choren kano kapayraraya no momodan an tahohen am akma pa saw ta an mapasitnan ka no kasoli am mawara o kapaylalaban.