1 Nwa mu; ba azahakwa
2 kẹ l'ọ kwa iya e-me t'ị kaa nka;
3 Be ekwekwa tẹ n-yemobu
4 k'ọphu ịi-tụba Nchileke l'obu;
5 Gude obu ngu l'ọ ha dakobe Ojejoje;
6 Tẹ Ojejoje vutajekwaru ngu
7 Ba abụkwa nwa // ọ-maru-ọmachata.
8 Ono bụ iphe e-me t'ẹhu
9 Gude ẹku ngu kwabẹ Ojejoje ugvu.
10 Teke ono; ọba ngu eji ejiji;
11 Nwa mu; ba agwọkwa
12 kẹ l'ọ kwa ndu Ojejoje yeru obu;
13 Ọnu-ọma kwa k'onye chọru
14 Ishi iya abụru lẹ mmamiphe
15 Ọ ka mkpuma, vu oke aswa ìrè.
16 Iphe nọ iya l'ẹka-ụtara // bụ nka;
17 Iphe nọ l'ụzo iya bụ // ẹhu-ọtso-ẹna;
18 Ndu rụkuru iya ẹka;
19 Ọ bụ mmamiphe;
20 Ọ bụ mmamiphe iya;
21 Nwa mu; gudeshikwaa ọkpobe
22 Ọ bụ iya a-bụru ngu ndzụ;
23 k'ọphu ụzo ngu a-bụru ngu chịriri-lẹ-werere;
24 Teke ịize azẹe; tịi tsụdu egvu;
25 Ẹ tịi tsụdu egvu iphe-kpaa;
26 kẹ l'ọo Ojejoje a-bụru mgbaru-ike ngu;
27 Ba anafụjekwa madzụ
28 Ba asụjekwa madzụ ibe ngu
29 Ba achịjekwa idzu iphe // a-tsụru ibe ngu;
30 Be ekobejekwa madzụ okfu ìphòró;
31 Be ekojekwaru onye eme
32 kẹ l'onye eme // mkpako-mkpako
33 Ụlo ndu akirishi;
34 Ndu aja ndu ọdo ewena;
35 Ndu maru iphe b'a kwabẹje ugvu;