1 Datuwe nadan tatagun inibtik Nebukadnesar an patul ad Babilon. Ad uwani ya nibangngad da mon waday oha on nibangngad hi numboblayanad Jerusalem ya nadah udum an bobleh did Judah.
2 Hay nangipangulun dida ya hi Serubbabel, hi Jeshua, hi Nehemiah, hi Seraiah, hi Reelaiah, hi Mordekai, hi Bilsan, hi Mispar, hi Bigbai, hi Rehum ya hi Baanah. Datuwey bilang di linalakin nibangngad an nalpud Babilon.
58 Hay bilang am-in nadan nibangngad an holag nadan mungngunuh Templo ya nadan muttatyun Solomon ya 392.
63 Hanan gobernador da ya kinalinan didan adida makikan nah niappit ke Apu Dios inggana waday padin mangusal nah Urim ya Tummim an panginilaan da.
68 Handih dimmatong datuwen holag Israel ad Jerusalem nah niha-adan ni-an nan Templon APU DIOS ya nun-idat nadan udum an aap-apu day iappit dan Apu Dios ta mid-um hi usalon dan mamohwat bo nah Templo nah niha-adana tuwali.
69 Indat dan am-in di mabalin dan idat an miusal hidi. Hay bilang am-in di indat da ya nahawwal an liman gatut an kilon balituk, nahawwal an duway libut onom di gatut an kilon silber ya hinggatut an andukken bulwatin di padi.
70 Hanadan padi, nadan ibba dan holag Libay, nadan mungkanta, nadan mungguwalya nah Templo, nadan mumpungngunu nah Templo ya nadan udum hanadah tatagu ya numboble dad Jerusalem ya nadah naka-ih-up hidi. Ya nadan ken udum an holag Israel ya numboble da nadah numboblayan handidan aammod da.