1 Impattigmuy homo'muh tun lutam, Apo Dios,
2 Ya inaliwam an amin di nappuhin inat nan tatagum,
3 Ya inaliwam din nidugah an bungotmu,
4 At haggungon ni' da'mi, Apo Dios an baliwmi,
5 Unmu mah inaynayun di bungotmun da'mih enggana?
6 Un da'miat ni' idatan hi bi'ahmi ta ipa'amlongmu nan tatagum
7 At ipattigmu nan nidugah an pamhodmun da'mi, Apo Dios,
8 Ya inhamhamad'un dengngol din inalin nan Ap'apu an Dios
9 At immannung an dedennonan mamaliw hinan tatagun mange'gon ay Hiya,
10 Ya mun'unnudan ay nan pamhod hinan nahamad an pangat
11 At nan makulug an pangat ya hitun lutay attigana,
12 Immannung an hi Apo Dios ya ipaphodna tun nitaguanmi,
13 Ya nan nahamad an ugalinay ipattigna,