1 O Apo Dios, adi'a ni' umu'ugong!
2 Ti un adya tigom an daden mi'bohhol ay He"a ya bumubungotda,
3 Ya waday nili"ud an hinahapitdah nappuhih atondah nan tatagum an pa'appohpohdom,
4 ya hiyah te hinanapitda:
5 Ya inabulut daden nunhahapit nan hinahapitdan atondan da'yu
6 an danen nunhahapit ya nan holag Edom, ya nan holag Ishmael,
7 ya nan holag Gebal, ya nan holag Ammon, ya nan holag Amalek,
8 Ya niddum goh nan i'Assyria an din namadang hinan holag Lot.
9 At mahapul an atom din inatmuh nan iMidian
10 an numpatoymu didad Endor,
11 Hay atom hinan a'ap'apuda ya umat hidin inatmu ay da Oreb ay Zeeb,
12 an din nangaliy,
13 O Apo Dios an dayawo', pun'iwa'atmu didan ay da hupu',
14 An umat goh hinan apuy an manghob hinan bubulung,
15 Ya pata'tom didah nan mabi'ah an puo' ta mumpangalayawda,
16 ya bainom didah nidugah ta engganah un da'a haggungon ta mundayawdan He"a, Apo Dios.
17 Ya pun'abakmu dida ta way atondan tuma'ot hi enggana,
18 ta way panginnilaanda an He"a ya anggay di ma'alih Dios,