1 Ikantaan tu'uh Apo Dios ti umipa'amlong an mangipabi'ah ay ditu'u,
2 At ete"ayun mungkanta,
3 Ya ipagangohyu nan talampet hinan Akayangan di Bulan ya nan tumabaana goh
4 ti hiyah ne ohah nan uldin hi mahapul an aton tu'un holag Israel an inyuldin nan Dios Jacob.
5 Ya inyuldinah ne ta way unudon nan holag Joseph hidin nakakandad Egypt
6 an inalinay,
7 At hidin na'unglanyu ya numpahmo' ayu,
8 At da'yun tatagu' ya ihamadyun donglon tun pamadan'un da'yu!
9 Ma'ahhapul an adiyu dayawon nan bulul,
10 Ti Ha"in ya anggay hi Apo Dios hi immannung an Diosyuh nangibaliw ay da'yud Egypt ta enekak'u da'yu,
11 Mu nan tatagu' an holag Israel ya agguyda inunud din inali' ay dida
12 At okodda ta atonda nan pohpohdondan aton,
13 Gulatna ahan ta donglona' ay da'yun tatagu' an holag Israel
14 at punnaudo' an ipa'abak nan buhulyu ta diday pangidalhina' hinan pummolta' ay da'yu.
15 Ta hanan bumobohhol ay Ha"in ya dayawona' mahkay an dumalat di ta'otda,
16 Mu da'yu ya nan ma"aphod an ma'an di ipa'an'u,