1 Apo Dios an dayawo', kulugo' an He"ay manalimun ay ha"in,
2 Ya gulat ta adia' baliwan at patayona' ya numpuhita'
3 Apo Dios an dayawo',
4 ya gulat goh ta binaliya' nan ligwa',
5 at abulutom di pumpamdugan nan buhul'un ha"in ta ah'upana',
6 Ihi'almu ni', Apo Dios, ta badangana',
7 Ya amungom ni' nan tataguh nan abablubabluy
8 ti He"a, Apo Dios, di munhumalyan amin hinan tatagu,
9 Ya He"a an na'ahhamad an Dios ya i'innilam an amin di nomnomon nan tataguh tun luta.
10 He"a, Apo Dios an na'abbagbagtu, di paddungnay hapiaw'u
11 Ya na'ahhamad di panumalyanan adina ipangngel,
12 Ya gulat ta adi iyuyan Apo Dios nan nappuhin gun aton nan tatagu
13 Ya immannung an idadaanan amin nan almasna
14 Elanyuat ti nan tatagun nappuhiy pangatda
15 Ya munlut'u'dah bitu ta way abituan nan tatagu,
16 Ya nan nun'appuhin pangatda ya mumbangngad ay dida ta holtaponda.
17 Mu munyamana' ay Apo Dios ti na'ahhamad di pangatna,