1 O Apu, He"a ni' di mangubat hinan buhul'u ta He"ay mi'pattoy ay dida.
2 At alam nan gina'un di mi'buhul,
3 ya inta'nangmu nan pahulmu ta gayangom nan buhul'un gun mamdug ay ha"in!
4 Ya maphod unmu bainon nan munnomnom an mamatoy ay ha"in,
5 Ya ta umatdah nan dugi an iyaddib di tuyup hi pumpamdugan nan anghelmu, Apo Dios, ay dida,
6 ya homelong ni' nan pange'wanda ya mundongngol hinan pumpamdugan nan anghelmun dida.
7 Ti ta"on hi un mi'id ahan di dumalat ya un nonong ya unna' huluon ay dida,
8 mu un himbumagga ni' di nappuhih ma'at ay dida ta diday mun'a'nah nan huluda,
9 At umamlonga' ay He"a, Apo Dios,
10 ya it'u"un mangalih,
11 Ya ihtiguana' hinan tatagun nappuhiy pangatda
12 Ya nappuhih unda iballoh di nappuhih nan maphod an inat'u,
13 Ti din nundoghanda ya nunlubunga' hi langgut ta ni'lungdayaa' ay dida,
14 an paddungnay nahamad an liligwa' unu a'agi' dida
15 Mu unat goh ha"in di nunligat ya mun'amlongda ya ininga'ingalana',
16 Ya nidugah an unna' pinadngopadngolan,
17 Apu, unna' mah hintigtigon?
18 Ya munyamana' ay He"ah nan a'amungan di do'ol an tatagum,
19 Ya adim ni' iyabulut an amlongan nan buhul'uy a'abaka',
20 Ya mi'id di maphod hi hapitonda ti layah di hapitondah
21 Ya un nonong ya unna' pabaholon an alyonday,
22 O Apu, titinnigmun amin hatun ma'ma'at!
23 At punnaudom an umali ta badangana',
24 Ti na'ahhamad'an Dios'u,
25 Ya adim ni' goh abuluton an umat hituy nomnomonda:
26 Ya unmuat ni' iyabulut ta hanan mangaba'abatol ay ha"in hinan punligligata' ya diday mabainan,
27 Ya hana ni' an mun'am'amlong hi pangabaka' ya ibugawday anladan gunda alyon di,
28 At gun'u ulgu'ulgudon hinan tataguy ana'ahhamadmu