1 An amin ayun nahamad di pangatna ya idaydayawyuh Apo Dios
2 At usalonyu nan alpa ya lyre an himpuluy gadengnah nan pungkantaanyu,
3 ya ikantaanyu Hiyah balbalun kanta,
4 ti makulug nan Hapit Apu tu'u,
5 Ya pa'appohdon Apo Dios nan nahamad di pangatna ya nan matpong an tagu
6 Ya un ammunay hapit Apo Dios ya nalmud abuniyan,
7 Ya inamungna nan danum hinan maluhung an baybay.
8 At an amin ayun wah tun luta ya ta'tanyuh Apu tu'u,
9 ti un ammunay hapitna ya nalmu tun luta,
10 Ya abalinanan pa"ion di hinahapit nan tataguh nan abablubabluy hi ma'at ta adi matuluy,
11 mu nan ninomnom Apu tu'uh ma'at
12 Mipadenol nan babluy an hi Apo Dios di dayawonda,
13 Ya hidid abuniyan ya uhdungan Apu tu'un amin nan tataguh tun luta,
14 ya wah dih nan pumpapto'ana an tigtigonan amin nan wah tun luta.
15 Ya Hiyay nunlumuh punnomnomda,
16 At nan pangabakan nan alih nan gubat ya bo'on nan ado'ol di tindalunay dumalat,
17 Ya adiyu ehdol di abaliwanyuh nan bi'ah di kabayuh nan pi'gubatanyu
18 Mu halimunan Apo Dios nan mangunud ay Hiya
19 ta baliwana dida ta adida mun'atoy
20 At He"a, Apo Dios, di ehdolmi
21 Ya He"ay dumalat hi umamlonganmi,
22 At, Apo Dios, gunmu ni' inaynayun nan pamhodmun da'mi