1 Apo Dios, dayawo' He"a an Dios'u ya Ali',
2 Immannung an dayawo' He"ah abigabigat,
3 Apo Dios, na'abbagtu'a,
4 Awniat mada'da'watan an mipa'innilah nan mahayhaynod an holag nan umipanoh'an ina'inatmu,
5 Ya ipa'innilada goh nan anabagbagtum,
6 Ya gunda ibabbaag goh nan nidugah an umipanoh'an gunmu ato'aton,
7 Ya ibabbaagda goh di aat di amaphodmu,
8 Apo Dios, makulug an ma'ulay'a ya ma'ahhimo"a.
9 Maphod di atom hi an amin hi tagu,
10 Apo Dios, dayawon da'an amin hinan limmum,
11 Ya gunda goh hapihapiton di anabagbagtun nan pumpapto'am
12 ya ta innilaon an amin nan tataguy anidugah di abalinam
13 Munnononnong hi engganay pun'ap'apuwam ta He"ay Alih enggana.
14 Hiya ya bumadang an amin hinan maligligatan,
15 He"ay pangitangadan an amin nan matagun limmum hi mahapulda,
16 Ya adida makudangan hi malgom an mahapulda ti idatmun amin.
17 Hi Apo Dios ya maphod an amin di atona,
18 Ya donglona nan luwalun nan makulug an mumpahpahmo' ay Hiya,
19 ya idatnan amin di mahapul nan un'unnud ay Hiya,
20 Ipapto'na nan nidugah di pamhoddan Hiya,
21 Dayawo' hi Apo Dios!