1 O Apo Dios, inilam an amin di aat'u ti hinamada' ay He"a,
2 ya inilam an amin di gun'u aton,
3 Ya titiggom hi unna' muntamu unu unna' mali'li'uh
4 Ya inilam goh an amin di hapito'
5 He"a ya wagwada'an ha"in hi enggana ta ipapto'a'
6 Ya adi' ma'awatan hi un anaad ta ini"ilaa' ay He"a.
7 At hay umaya' ta adia' tigon ay He"a?
8 Ti gulat ta umuya' ad abuniyan ya wah di'a,
9 Ya ta"on hi unna' tumayap ta umuya' hinan niyadagwi
10 ya wada'a damdama an mangipadutu' ya bumadang ay ha"in.
11 Ya ta"on hi unna' mipo"oy hinan hehelong
12 ya hiya damdama an mapatal di pannigmu
13 He"ay nunlumun amin hi alimatung di odol'uh din awada' hi putun ina,
14 ya maphod ahan di inatmun nunlumun ha"in,
15 Ya din home'na' hi putun ina ya i'innilam an wadaa'
16 ti i'innilaa' tuwalin He"a ya unna' mitungaw.
17 Apo Dios, do'ol ahan di nomnomnomom hi umatan di aat'u,
18 Gulat ta ma'yap at do'do"ol ya un nan panag hinan pingit di wangwang!
19 Apo Dios, ubahom ni' ahan nan nun'appuhiy ugalidan tatagu,
20 Ti nidugah di pamilhuldan He"a,
21 Apo Dios, abohola' nan mamohol ya nan mi'buhul ay He"a,
22 ya ibilang'u nan buhulmun buhul'u goh.
23 Apo Dios, tigom di nomnom'u ya hay pangat'u,
24 ya itudum hi un waday adim pohdon ay ha"in ta hukatam hi maphod,