1 Apo Dios, wagaham nan tagun nahamad di atona ya un'unnud hinan Tugunmu,
2 ya umat goh an wagaham nan tagun ipa'anhanay pangun'unudanah nan Tugunmu.
3 Ya adina aton di agaga"ihaw ta nan penhodmu, Apo Dios, di atona,
4 ti idatmu, Apo Dios, nan Tugunmun da'mi ta un'unudonmih enggana.
5 Ya maphod ni' at un hiyay inaynayun'un unudon,
6 ya adia' ahan mabainan hi un'u unudon an amin nan Tugunmu.
7 Ya hinan pun'adala' hinan nahamad ya ma'andong an Tugunmu
8 At unudo' an amin nan Tugunmu, Apo Dios.
9 Hay aton nan iwoy ta nahamad di nitaguanan mi'id di pumbaholana
10 Apo Dios, ato' an amin di abalina' an mangat hinan pohdom,
11 Ya intalepon'uh nomnom'u nan Tugunmu ta way ato' an adi mumbahol ay He"a.
12 He"ay dayawo', Apo Dios,
13 Ya pun'ipa'innila' hinan udumnan tatagu nan Tugunmun impa'innilam
14 ti nidugah di amlong'uh nan pangun'unuda' hinan Tugunmu ya un nan do'ol an umipa'adangyan.
15 At hiyaat un'u ada'adalon ya ini'ittu' hi nomnom'u nan Tugunmu.
16 Nidugah di amlong'un mangunud hinan Tugunmu,
17 Atom ni' di maphod ay ha"in an baalmu ta mi'tagua',
18 Ya diatom di mata' ta tigo' di amaphod ahan nan Tugunmu.
19 Unna' ahan bunag hitun luta,
20 Hay aptan ahan hi pohdo' ya anggay ya nan panginnilaa' hinan Tugunmu ta unudo'.
21 Pogpogom nan na'idutan an mumpahiyan adi mangunud hi Tugunmu.
22 Ya adim ni' iyabulut didan mamain ya mamadngopadngol ay ha"in
23 Ya ta"on nan a'ap'apu ya nunhahapitdah atondah nappuhin ha"in
24 Umipa'amlong ahan ay ha"in hanan Tugunmu ti hiyanay manugun ay ha"in.
25 Ad ugwan ya ten hi'itangan an matoya' ti ma'allungdayaa',
26 Apu, hidin inali' ay He"an amin din ninomnom'u ya inabulutmu,
27 Ya itudum di aat nan Tugunmu ta ma'awata' nan mun'aphod an inatmun umipanoh'a.
28 Ten unna' lumungdalungdaya ahan,
29 Apu, badangana' ni' an mangat hi nepto' ta bo'on hay nappuhiy ato',
30 Iyod'odolna' an umunud ay He"a,
31 Ti inhamad'u ahan an nangunud hinan intugunmu, Apo Dios,
32 Ya umi'ikaya' an mangunud hinan Tugunmu
33 Apo Dios, itudum di ato' an mangunud hinan Tugunmu ta unudo' hi enggana.
34 Ya badangana' an manginnilah nan Tugunmu
35 At badangana' ni' ahan an mangunud ay danen Tugunmu ti umipa'amlongdan ha"in,
36 ya idatmuy pamhod'un mangunud hi Tugunmu
37 Ya badangana' goh ta bo'on nan mi'id di hulbinay nonomnomo',
38 Ipa'annungmun ha"in an baalmu din intulagmu an pumhodan hanan un'unnud ay He"a,
39 ya adim ahan iyabulut an ato' hanan gun'u ta'tan an ma'at hi abaina'.
40 Pa'appohdo' ahan an unudon di Tugunmu,
41 Apu, ipattigmu nan nahamad an pamhodmun ha"in
42 ta way ato' mahkay an mambal hinan mamain ay ha"in
43 Ya badangana' ta hay makulug di hapito' ti edenol'uh nan Tugunmu.
44 Inaynayun'un unudon hi enggana nan Tugunmu,
45 at malenggopa' eten atagu' ti gun'u unudon di Tugunmu.
46 Ya ipa'innila' hinan a'ali nan Tugunmu,
47 ti manu ay ya umamlonga' an mangunud ay danen Tugunmu ti hiyanay pa'appohdo'.
48 Immannung ahan an e'gona' hanan Tugunmun pa'appopohdo',
49 Apu, nomnomom ni' din inalim an pumhoda' an baalmu ti hiyanay umidat hi namnama'.
50 Ti hanan hinamadmun intulag di mangal'alu' ay ha"in hi un way ligat'u.
51 Ya ta"on unna' pahapahalon hinan mumpumpahiyan tatagu
52 Apo Dios, nonomnomo' an hanan Tugunmuh din nadnoy di mangal'alu' ay ha"in,
53 ya wa ay ta tigtigo' nan nun'appuhiy ugalidan tatagun ngohoyonday Tugunmu
54 Ya heten nahnot an nitagua' hitun luta ya ikankanta' di aat nan Tugunmu.
55 Apo Dios, ta"on un hinan mahdom ya nomnomo' He"a,
56 Ya hiyah ne gun'u aton an mangunud hinan Tugunmu.
57 He"a ya anggay, Apo Dios, di mahapul'u,
58 At ten al'alu"o' He"a ahan ta hom'ona' an hiyah ne din intulagmu,
59 ya hidin ninomnom'u din nangat'u ya iyod'odolna' an mangunud hinan Tugunmu,
60 at hiyanan unudo' di Tugunmu an adi' inganuy.
61 Ya ta"on hi un indadaan nan tatagun nun'appuhiy ugaliday abitua'
62 Ya bumangona' hinan tongan di labi ta munyamana' ay He"a ti nahamad hanan Tugunmu.
63 Ya ha"in ay ya midduma' hinan namhod an mangipa'amlong ay He"a
64 Nunhinap hitun lutay nidugah an pamhodmu, Apo Dios,
65 Apo Dios, impa'annungmuh nan baalmuy maphod ti hiyah ne din intulagmu,
66 at itudum ay ha"in nan mahapul an innilao',
67 Hidin hopapna ya minoltaa' ti nibahhaw di gun'u inat,
68 Ma"aphod'a ya ma'ulay'a,
69 Nan mumpahpahiyan tatagu ya impa'lehday layah hi aat'u,
70 Nakudang di panginnilan hanan tatagu,
71 Ya maphod henen nummoltaam ay ha"in ti inadal'u mahkay di aat hanan Tugunmu.
72 Nabalul ahan ay ha"in nan Tugunmu ya un nan linibun balitu' ya silver.
73 He"ay nunlumun ha"in,
74 Ya hanan mangilulud hi pangatandah nan pohdom ya umamlongdah pannigandan ha"in
75 Inila', Apo Dios, an maphod an amin di nomnomom hi aton
76 At olom ni' ya ma'al'alu'a' hinan adi malumluman an pamhodmu
77 Hom'ona' ni' ta tumagua' ti pun'amlonga' nan Tugunmu,
78 ya ha"in ya ipa'anhan'un ada'adalon hanan Tugunmu,
79 Ya hana ay ni' an mange'gon ay He"a an nanginnilah nan Tugunmu ya middumdan ha"in,
80 ya badangana' ni' ta ihamad'un mangunud hinan Tugunmu ta adia' mabainan.
81 Himmigaa' mahkay an mamannod hi pamaliwam ay ha"in,
82 Ya ten manonong di mata' an mamannod hidin intulagmuh atom,
83 Ta"on hi un mid hulbi' an umata' hinan dadan an immulhin up'up di animal an adi mabalin hi ittuwan di ma'inum
84 Atnay algaw mah di homehennoda'?
85 Hanan mumpahiyan tatagun adi mamhod hinan Tugunmu
86 An amin nan Tugunmu ya madenlan,
87 Ya hi'itangan patayona' ay dida,
88 At baliwana' ni' ahan ta pangipattigam hinan adi malumluman an pamhodmu
89 O Apo Dios, nan Hapitmud abuniyan ya nahamad ti minaynayun hi enggana.
90 Ya umat goh an minaynayun hi engganay panalimunmuh nan aholaholag hi udum hi algaw,
91 Ya dumalat nan Uldinmu ya nunnonong hi engganad ugwan an amin nan limmum hinan aatda
92 Gulat ta mi'id di Tugunmun nangipa'amlong ay ha"in at nanattoya' ti nidugah di hinolholtap'u,
93 at adi' ahan al'alliwan nan Tugunmu ti hiyanay dimmalat ya matagua'.
94 Baliwana', Apu ti tagua' ay He"a,
95 Ya botabota'ona' hinan nun'appuhiy ugalidan tatagu ta patayona',
96 Ya na'innilaa' an ta"on hi un mun'aphod an amin ya wada damdamay ibahhawanda,
97 Nidugah ahan di namhod'uh nan Tugunmu
98 Immannung an nonomnomo' hi enggana nan Tugunmu,
99 Ya nidugdugah di nanginnilaa' hinan aatmu ya un nan muntudtudun ha"in
100 Ya nanomnomana' ya un nan mina'ilog ti gun'u unudon nan Tugunmu.
101 Ya indinong'un amin di nun'appuhin pangat ta ihamad'un unudon nan Tugunmu.
102 Ya agguy'u din'ug ahan nan Tugunmu
103 Nidugah an paddungnay munlameeh nan Tugunmu ya un nan danum di alig!
104 Nanomnomana' ya limma'enga' an gapuh Tugunmu,
105 Paddungnay dilag nan Tugunmu an patalanay owo',
106 at hiyanan punnonngo' nan inhapata' an unudo' nan maphod an Tugunmu.
107 Apo Dios, badangana' ahan ta tumagua' an hiyah ne din inalim
108 Abulutom ahan ni' tun luwalu' hi punyamana' ay He"a,
109 Ya adi' du'gon an umunud hinan Tugunmu
110 Agguy'u din'ug nan Tugunmu
111 Hanan Tugunmuy ibilang'uh munnananong an odon'u
112 Inhamad'uh nomnom'un unudo' hi enggana nan Tugunmu.
113 Ya abohola' nan munduwaduwan mangun'unud hinan Tugunmu,
114 He"ay ihi'uga',
115 Da'yun nun'appuhiy pangatnan tatagu ya adi ayu mimiddum ay ha"in
116 Apu, pabi'ahona' ta tumagua' an hiyah ne din inalim,
117 At badangana' ta melwanga' hinan nappuhin ma'at ay ha"in
118 Mu hanan adi mangunud hinan Tugunmu ya du'gom dida
119 He"a ya du'gom nan nun'appuhiy ugalidan tatagun umat hi galut an mitapal,
120 Wumogwoga' hi ta'ot'un He"a,
121 Maphod an nepto' di inat'u,
122 Ipapto'mu ni' ahan di pumhoda' an baalmu,
123 Ya ten manonong tun mata' hi papannoda' hinan pangipa'annungam hidin intulagmu an baliwam nan tatagum,
124 Atom di malgom an pohdom hi aton ay ha"in an baalmu an miyunnudan hinan nidugah an pamhodmu
125 Baala' ay He"a,
126 At ad ugwan di punhumalyaam, Apo Dios, hinan tatagu
127 Immannung an ha"in ya pa'appohpohdo' nan Tugunmu
128 ya gapu ta inila' an ma"aphod an amin nan Tugunmu
129 Immannung an maphod ahan nan Tugunmu,
130 Nan panginnilaan hinan Tugunmuy umidat hi anomnoman
131 At hiyanan ten umi'ikaya' an manginnilah nan Tugunmu
132 At tigona' ni' ahan ta hom'ona'
133 Ya ipadutu'a' ahan ti hiyah ne din inalim
134 Baliwana' hinan aton nan mangipaligligat ay ha"in
135 Ipale'nam di ama'ulaymun ha"in an baalmu,
136 Nidugah di lugwa' an mipaddung hinan wangwang
137 Apo Dios, na'ahhamad'a ahan,
138 ti makulug ya madenlan an amin.
139 Ya nidugah di bungot'un ay apuy
140 Ya pa'annungom an amin di ibagam,
141 Ta"on hi unna' ahan pihupihulon hinan tatagu ya adia' ibilang,
142 Nan anahamadmu ya munnonong hi enggana,
143 Do'ol di ligat'u ya numanomnoma',
144 Badangana' ni' ahan an manginnilah nan nahamad hi enggana an Tugunmu
145 O Apo Dios, ihamahamad'un munluwalu
146 Ya iluwalu' goh an baliwana' ni' ta gun'u unudon nan Tugunmu,
147 ya bumangona' hinan mun'awawa'ah ta munluwalua' an mumpabadang ay He"a
148 Ya tumutu'ala' hinan mahdom hi punnomnoma' hinan tudtudum.
149 Apo Dios, adi maluman nan pamhodmu,
150 Nan tatagun adi mangunud hinan Tugunmu ya na'uydan meheggon ay ha"in
151 mu mundenola' ti wada'a, Apo Dios, an mamadang ay ha"in,
152 Nabayag an ininnila' an nan Tugunmu ya adi malumluman,
153 Apu, tigom ahan tun punligligata' ta baliwana'
154 At badangana' ya ibaliwa' ta tumagua' ti hiyah ne din intulagmu.
155 Hanan nun'appuhiy ugalidan tatagu ya adida mabaliwan
156 Apo Dios, He"a ya nidugah di homo'mu,
157 Do'ol di buhul'un mangipaligligat ay ha"in,
158 Abohla' ahan nan nan'ug ay He"a
159 Apo Dios, baliwana' ahan an dumalat hinan adi maluman an pamhodmun ha"in
160 Makulug an amin nan Hapitmu,
161 Nan nun'abagtuy haaddan tatagu ya paligatona' an ta"on un mid di numbahola',
162 Ya ma"am'amlonga' an dumalat nan intulagmu
163 Abohla' ya pahiwo' di layah,
164 Dayawon da'ah mumpapituh hin'algaw an dumalat hinan mun'aphod an Tugunmu.
165 Nan tatagun namhod an mangunud hi Tugunmu ya lumenggopda,
166 Apo Dios, madenola' an mamannod hinan pamaliwam ay ha"in,
167 Unudo' ahan nan Tugunmu ti nidugah di namhod'u.
168 He"a, Apo Dios, ya inilam di aat'u,
169 Apo Dios, donglom ni' ahan tun pumpahmo'a' an mumpabadang ay He"a,
170 At donglom ni' ahan di luwalu' ta baliwana' an hiyah ne din intulagmu!
171 Ipabagbagtu da'ah enggana ti itudtudum ay ha"in di Tugunmu,
172 ya ikankanta' di aat nan Tugunmu ti nahamaddan amin.
173 At mundadaan'a ni' ahan hi enggana an mamadang ay ha"in ti inun'unud'uy Tugunmu.
174 Apo Dios, baliwana' ni' ay He"a!
175 Maphod ni' unna' baliwan ahan ta tumagua' ta ipabagbagtu' He"a,
176 Umata' hinan kalnilun na'utaw an lumane'le'od,