1 Pa'appohdo' He"a, Apo Dios,
2 Ya gapuh nan nangngolam hinan luwalu'
3 Ya ma'atta'ota' ti hi'itangan an matoya', at milubu'a'.
4 At nunluwalua' an inali' di,
5 Ma"aphod ti ma'ulay'a, Apo Dios!
6 Ya baliwam nan tagun mi'id di abalinana,
7 At hiyanan munlenota' mahkay ti ma"aphod'a an Dios ay ha"in.
8 Imbaliwa' ay He"a, Apo Dios, hi atoy,
9 At ad ugwan mahkay ya He"ay aptan hi unudo' eten atagu',
10 mu innaynayun'uy pangulug'un He"a an ta"on un hidin gutud di nunholholtapa'.
11 Ya umu'uddum hinan aid di poto' di punnomnoma' ya inali' di,
12 Hay idat'u mah ay He"a, Apo Dios, hi punyamana' ay He"a
13 At hay ninomnom'u ya onnga' He"ah ma'inum hi pangipattiga'
14 Ya ipa'annung'uh nan way hinagang nan na'amung an tatagum
15 Inila' an munlungdaya'ah un way matoy hinan tatagum
16 Ya immannung an ha"in di baalmu, Apo Dios,
17 At munluwalua' ay He"a,
18 Ya ipa'annung'un amin nan intulag'un He"a an Dios
19 nan way gettaw di Timplum Apo Dios ad Jerusalem.