1 Ya inalin Apo Dios di,
2 Manu ti munluwalu ayu
3 Mu layahyu ti agguyyu inunud nan Uldin'u,
4 Ti hay oha goh ya numpili ayuh aliyu ya ap'apuyu an agguyyu inyal'alin Ha"in.
5 Da'yun iSamaria,
6 Henen gunyu dayawon ya un hay inyamman di i'ibbayun holag Israel damdama!
7 Ya mi'id di hulbin nan ato'atonyu ti ta"on hi un ayu munhabal ya ma'upohda.
8 At napa"i ayu mahkay an i'Israel
9 Ti umat ayuh nan atap an dongki an un okod hi umay'ayana.
10 Mu ta"on un ayu gun mumpabadang hi udum an babluy ya amungo' damdama da'yu
11 Manu ti do'ol di inyammayuh pange'nonganyuh a'aliwan di baholyu,
12 Ti nan me'nong ya nan aton an mange'nong ya impitudo"u,
13 At hiyanan ta"on hi unyu e'nong ay Ha"in nan ma"aphod an animalyu ya gunyu inan danen ene'nongyu
14 Ya mahiw ayun i'Israel an gun mangiyammah a'abung nan aliyu,