1 Ya inalin goh Apo Dios di,
2 Ti hanan pumbahbaholanyu ya paddungnay limmamut hi nitaguanyu,
3 Ti i'innila' an amin nan ina'inatyun i'Israel.
4 Ti hanan nun'appuhin ato'atonyuy adiyu namhodan an mumbangngad ay Ha"in an Dios.
5 Ya nan adiyu pumpa'ampaan an i'Israel di attiganan nibahhaw ayu.
6 At ta"on hi unyu e'nong di baka unu kalnilu ay Ha"in
7 Ti mi'id di denolyun Ha"in an Dios an un at goh nan udum an madayaw di nundenlanyu.
8 Hin'alina goh ya inalin Apo Dios di,
9 Ti nadatngan mahkay di a'ubahanyun amin an i'Israel,
10 Ya ta"on un nan a'ap'apud Judah
11 Ya da'yun i'Israel ya nidugah di punligatanyu
12 At ad ugwan ya hay pummolta' ay da'yun i'Israel
13 At hidin le'naonyun i'Israel an mid ologyu
14 At mi'id di mabalin an mamaliw ay da'yun i'Israel ya iJudah hinan pummolta'
15 At du'go' da'yun tatagu' ta engganah muntutuyu ayuh baholyu,