1 Ya nunluwalu ami, ya inalimin Apo Dios di,
2 At nan nipaboltan ay da'mi ya nidat hi udum an tatagun nalpuh udum an babluy,
3 Ya numbalin amih nguhu an mi'id di hi amami
4 Ya mahapul an la'uwanmi mahkay di inumonmi,
5 Ya nidugah di pangidoldolan nan buhulmin da'mih tamu,
6 At hay inatmih din hopapna ya immuy ami immanad'addaw hi ononmih
7 Mu hay immannung hi numbahol ya din a'apumih penghana,
8 Ya hanan himbut hidin hopapna di numbalin hi a'ap'apumi,
9 Ya ta"on un hinan umuymi puntamuan hi pangngalanmih ononmi
10 At dumalat hinan nidugah an hinaangmi ya numpundogoh ami
11 Ya nidugah ahan di nangat nan buhulmi an nonongan enelo'da nan binabai
12 Ya pinatoyda nan a'ap'apumi,
13 Ya pinilitda nan ungungan linala'in imbabaluymin nunggeleng hi bogah,
14 Ya din nun'ala'ay an gun mangipanuh hinan ma'ma'at ya adida mahkay gun ma'amung an mumpanuh,
15 Ya napogpog mahkay din umamlonganmi,
16 Ya mi'id mahkay di alimid Jerusalem,
17 At hiyanan ten un ami numanomnom ya kimmilakila
18 Ti ninganuy mahkay di babluy ad Zion,
19 Mu ta"on un umat hina ya He"a damdama, Apo Dios,
20 Mu anaad ta ingnganuy da'mih nabayag?
21 Pumbangngadon da'mi ni' ahan ay He"a,
22 Ti undan ahan inaynayunmuy pan'ugam