1 Ha"in nan tagun namadah hi ligat an gapuh bungot Apo Dios
2 ti inyuya' hinan pa'ahhelong ta impadalana' hidi,
3 ya gunna' pinaligligat hi a'alga'algaw.
4 Ya paddungnay nun'aphit di lamoh'u,
5 At nidugah di ha'it di nomnom'uh nan nunholholtapa'
6 an paddungnay inhinaa' ay Hiyah nan munhehellong
7 Ya mi'id goh udot di ato' an lumayaw ti binangkilingana',
8 ya ta"on hi unna' numpahpahmo' ay Apo Dios
9 Ya paddungnay hinawananah natpeng an batu nan owo'
10 At hay punle'na' ay Apo Dios ya paddungnay layon unu bear
11 At hene'mata' hinan dalan,
12 Ya hay oha goh hi inatna ya paddungnay immali
13 Ya numpanaa' ta numpangahalom hi odol'u,
14 at inaba'abatlana' hinan tatagu,
15 Pinaligata' ahan ay Apo Dios
16 Ya paddungna goh di inggatina' ta nihubuhuba' hinan pito',
17 At dumalat ay daten na'at ay ha"in ya mi'id mahkay di poto' di nomnom'u
18 At alyo' di,
19 Ya wa ay ta nomnomo' nan nunligligata' ya nan niyadagwia' hinan ni'babluya'
20 ti nomnomnomo' ay daten na'at ya nidugah an mangluya'.
21 Mu himmungdu ay nan maphod an punnomnom'u
22 Ti nan nidugah di pamhodna ya munnononnong an adi malumluman,
23 an paddungnay baluh abigabigat.
24 At hay ninomnom'u ya alyo' di,
25 Hi Apo Dios ya ma'ulay hinan mange'kod ay Hiya,
26 At hay maphod ya way ohaan mahapul an anuhanan munhood hinan
27 Ya ma"aphod hi un way ohaan impa'enghanan mangedpol hi ligat
28 At wa ay ta waday ligat ya inila tu'un mangedpol an nonong ya didindinong tu'u,
29 Ti hi Apo Dios ay di pangiyokodan hinan ligat tu'u
30 At ta"on hi un ditu'u ipaligligat hinan buhul ta tapa'on ditu'u
31 At hi Apo Dios ya ongol di homo'na
32 ya ta"on hi unna iyabulut di punligatan tu'u mu hom'on ditu'u damdama
33 Ti adi pun'amlongan Apo Dios di ay tu'u ipaligligatan unu numanomnoman.
34 Ti undan agguyna inilay aat di nunligatan tu'uh din na'abakan tu'u
35 Ti hi Apo Dios an na'abbagtu ya inilana an layah nan lebbengna tuwalin ma'at ay ditu'u,
36 ya i'innilana goh an layah di pamanuhdah nan ohan tagu.
37 Ti anggay hi Apo Dios hi mangiyabulut hinan pohdonah ma'at
38 ti mabalin an ipa'at Apo Dios an na'abbagbagtu nan maphod ya nan adi maphod.
39 Mu anaad ta munlili tu'u ya wan na'at hana ay ditu'un gapuh nan numbaholan tu'u?
40 At mahapul an hamadon tu'uy aat tu'u ta muntutuyu tu'u
41 Ti Hiya an wad abuniyan ya titiggon ditu'u,
42 “Numbahol ami ahan ay He"a,
43 At gapuh bungotmu ya paddungnay inunud da'mih nan immayanmi
44 Ya paddungnay nihani'ah nan ma'ugtul an bunut
45 Ya inyabulutmu an hay pannig di Hentil hi udum an babluy ay da'mi
46 Ya pinadngopadngolan ya binaibain da'mih nan buhulmi,
47 ya nidugah di wumogwoganmin
48 At ha"in ay ya nidugah di lugwa' an paddungnay wangwang an umayu'ayuh
49 At namaagan limmugwalugwaa' an mi'id ah duminngana
50 ta engganah unna' hemmo' ay Apo Dios.
51 Mu tigo' ay nan inat nan buhulmih nan tatagud Jerusalem
52 Ya paddungnay unna' hamutin nunhu'u' nan buhul'u
53 Ya penhoddan mamatoy ay ha"in ta uhbungona' hinan bitu,
54 Ya he'ne'noba' hi danum,
55 Mu nunluwalua' ay Apo Dios
56 At dengngolmu, Apo Dios, din numpabadanga' hidin nangalya' hi,
57 Ya inabulutmu din imbaga',
58 At immannung an binadangana' ay Apo Dios,
59 Ya inali' ay Apo Dios di,
60 Ya i'innilam goh nan nidugah an boholda
61 Ya dengngolmu nongkay din namadngopadngolandan ha"in
62 an gunna' inulgu'ulgud ay didan buhul'uh abigabigat.
63 Ya undan adim tigon an ta"on un hinan um'umbunanda unu tuma'ta'doganda
64 Uggoh mah ta paligatom kogoh dida, Apo Dios,
65 At punheglaom ay ni' di punligatanda,
66 ya numpudugmu ay ni' dida an dumalat nan nidugah an bungotmu