1 Hidid Judah hi ad Jerusalem ya napnuh tataguh din hopapna,
2 Ya ilablabinan lumugwalugwa an umayu'ayuh hinan tamelna,
3 Ti hay na'at hinan tatagud Judah ya inlayaw di buhul ta niwa'atdah nan adadagwin babluy,
4 At ad Jerusalem ya nun'atawan nan kalatan miyuy hidih Zion an awadan nan Timplu
5 Ya hanan buhulday numbalin hi a'ap'apuda,
6 At mi'id mahkay din ama"aphod ad Jerusalem,
7 Ad ugwan an maliligatan nan tatagud Jerusalem an mi'id di umuyda punhituwan,
8 Nidugah ahan di numbaholan nan iJerusalem, at mapahiwda.
9 Hay aat di numbaholanda ya umat hinan inlubungdan ma"attig ahan di lugitna.
10 Ya hay inat nan buhul ya nun'aladan amin din nun'abalul an gina'ud Jerusalem.
11 Ya an aminda nan tatagud Jerusalem ya ta"on hi unda pumalapala' hi hinaangda
12 Ya inalidah nan gun maluh hidid Jerusalem di,
13 Ti impa'alinay ay apuy an nalpud abuniyan ta ipaholholtapnan da'mi,
14 Ya paddungna goh di e'enyapnan amin di numbaholanmi ta nunhuhu"upona,
15 Ya din'ug Apo Dios nan mun'abi'ah an titindalumi,
16 Hiyah te dumalat hi lumugwalugwaanmi,
17 At numpahpahmo' ami,
18 Hi Apo Dios ya immannung an na'ahhamad di pangatna,
19 Ya gun ami numpabadang hinan liligwami,
20 At tigom ni', Apo Dios, tun numanomnomanmi an ten mipaligligat ami,
21 Ya dengngol di tataguy pumalapala'anmi,
22 Tigom ni' an amin nan nun'appuhin ato'atonda,