1 Ya innaynayun goh Elihu an inalinay,
2 “Adi maphod, Job, hi unmu alyon ay Apo Dios
3 Ya anaad ta alyom goh ay Hiyay,
4 Ya hay pambal'un he"a enen inalim ya hi an amin hinan liligwam ya alyo' di,
5 Tangadom ad daya,
6 Gulat ta mumbahol'a ya undan way ma'at ay Apo Dios?
7 Ya undan way ibadang nan maphod an inatmun Apo Dios?
8 Hay ilagat nan maphod unu nappuhin inatmu ya nan tatagu ya anggay.
9 Nan tatagun mipaligligat ya la'tot ya kumiladan dumalat nan nidugah an holholtaponda,
10 Mu bo'on hi Apo Dios an nunlumun diday pumpabaddanganda
11 Dida ya adida e'kod ay Apo Dios an nangidat hi anala'eng tu'u
12 Ya manu ay adi badangan Apo Dios didah unda mun'adaw hi badangna
13 At mi'id di hulbin di pun'adawandah badang Apo Dios an nidugah di abalinana
14 Ya inyal'allanan adi da'a donglon, Job, hi unmu alyon di adim tigon Hiya,
15 Undan hay ninomnommu ya adi tigon Apo Dios nan mumbahol,
16 He"a, Job, ya mi'id di hulbin nan gunmu hapiton