1 Ya la'tot ya himmapit hi Job, ya inidutanah de han algaw an gutud di nitungawanan
2 inalinay,
3 “Hay maphod ya mami'id din algaw an nitungawa'
4 Ya henen algaw ya pumbalinom ni' hi helong,
5 Ya maphod hi un paddungnay maliduman, ya mahehelngan, ya munnonong nan ma'ugtul an bunut
6 Ya humehellong ta adi mibilang hi ohay algaw eden bulan
7 Hay maphod ya ibilangyuh nen mahdom hi mi'id di hulbina
8 Ya nan tume'om an abalinandan mummandal hinan atata'ot an animal
9 Ya adi ni' bumbummuhu' nan bittuan hinan helhelong
10 ta ma'idutan henen nahdom ti tuwali ta inyabulutnay nitungawa'
11 Anaad ta agguya' tuwali natoy hidin nangipabuhu'an inan ha"in
12 Anaad tuwali ta hinaha'lia' ay ina,
13 Ti unna' at nin natoy hidin nitungawa',
14 hidin a'ali ya nan u'upihyal hitun luta an din numpangiyammah
15 ya din numpumpapto' an adadangyan
16 Onaynah unna' nitungaw ya nanattoya' ta inlubu'a'
17 Gulat ta nilubu' nan tagu ya hiyay apogpogan di pangatandah nappuhi,
18 Ya ta"on nan nibalud ya mi'id di al'alin didah di
19 Ya an amin din nun'awotwot ya adadangyan ya wah dida,
20 Anaad udot ta ipa'alin Apo Dios di patal hinan tagun munligligat an umat ay ha"in,
21 Ti iyahupanday atayanda mu adida matmattoy,
22 Ya nidugah di pundenolanda ya umamlonganda
23 Anaad ta inaynayun Apo Dios an taguon nan agogohgoh di nitaguanan
24 Ya ten unna' umale'alengeng,
25 Ya an amin di ita'ot'u ya nipa'annung ay ha"in,
26 Ha"in atog ya mi'id ah lenggop'u,