1 Ya innayun'un nunluwalu an inali' di,
2 an umat hinan danum an gun munluwag hinan way dumaladalang an apuy.
3 Ti hidin immaliam hidin penghana ya waday inatmun umipanoh'an agguy na'at hidin hopapna
4 Mi'id ahan ah ohah nangngol unu nannig hi Dios an umat ay He"a
5 Ti nundadaan'an bumadang hinan tatagun ma"amlong an mangunud ay He"a
6 Ti an amin ami ya umat amih nan na'aluggit an dumalat nan pumbahbaholanmi,
7 Ya mi'id goh ahan di ohah nunluwalun mumpabadang ay He"a.
8 Mu He"a damdama nongkay hi Amami!
9 At adi'a ni' ahan bumungot ay da'mi, Apo Dios!
10 Nan do'ol an me'gonan an babluymu ya numbalin hi mapulun,
11 Ya din me'gonan an Timplu an gun nundayawan din a'apumi ay He"a ya nun'oghob,
12 Ya undan ta"on hi un umat hituy na'at ya adi da'mi haghaggungon?