1 Mahmo' ayun nama"ih udum an babluy!
2 At nunluwalua' an inali' di,
3 Ti wa ay ta donglon nan buhulmiy hapitmu ya mumpangalayawda,
4 Ya nun'alamin amin di inadangyanda,
5 Hi Apo Dios ya na'abbagbagtu ti ad abuniyan di nunhituwana!
6 Ya Hiyay nahamad hi pange'kodan ti ibaliwna tun babluy tu'u,
7 Mu awni ya un ma'at hatu
8 At mi'id mahkay di lumane'le'od hinan kalata ti atata'ot.
9 At minganuy tun babluy tu'u ti mun'a'leng nan nun'itanom,
10 Mu tembal da'min Apo Dios an inalinay,
11 At an amin nan ninomnomyun aton ya mi'id di hulbina
12 At mun'oghob ayu ta umat ayuh nan pagat an noghob,
13 At an amin ayun tataguh abablubabluy an wah niyadagwi unu neheggon
14 Nan nun'abaholan an i'ibba tu'ud Zion ya wumogwogdah ta'otda,
15 Mu inali' an hi Isaiah ay dida an wada nongkay di ma'angang ay ditu'u
16 at didana nan malenggop di nitaguanda
17 At udum hi algaw ya da'yu nongkay di mannig hinan madayaw an ali an nahamad di pangatna,
18 At din ta'tanyuh din hopapna ya gun mipanomnom ay da'yu ya anggay
19 Mu dane din mun'abungot an tatagun nalpuh udum an babluy
20 At amangonyu adya mahkay ad Zion an babluy
21 Ti hi Apo Dios an nidugah di abalinanay mumpapto' ay ditu'uh di,
22 At Hiya mahkay di Ali ya mangipanuh ay ditu'un tataguna,
23 Mu nan buhul ya mipaddungdah nan napa"in pupul,
24 Ya mi'id mahkay mangalih nan numpunhitud Zion hi un mundogoh