1 Hi Apo Dios ya inalinah nan tatagunay,
2 Ti agguy ayu nunhanhan ay Ha"in
3 Mu henen nangidenolanyun diday dumalat hi abainanyu,
4 Manu ti wadaday u'upihyal hi immuy ad Zoan
5 mu mi'id ahan di imbadangdan da'yu
6 Ya inalin goh Apo Dios di,
7 Ti nan i'Egypt ya mi'id di hulbin nan inalidan ibadangdan da'yu.
8 Ya inalin goh Apo Dios di,
9 ti nidugah di anangohoydan
10 Hay alyondah nan baal'un Dios an nan propeta ya alyonday,
11 At ipogpogyun gun mun'ulgud ay da'mih nan hinapit Apo Dios
12 Mu hay nambal Apo Dios an dayawon tu'un holag Israel ya inalinay,
13 at hiyay ma'at ay da'yu.
14 At umat hinay ma'at ay da'yu ta umat ayuh nan uklit an bangan nagah ya nun'agimu',
15 Ya inalin goh nan na'abbagbagtun Dios an dayawon tu'un holag Israel di,
16 an alyonyuy,
17 At un ohan tindalun buhulyu ya ipalayawnay hinlibun da'yu.
18 Mu inali' an hi Isaiah di,
19 At da'yun i'ibba' an tataguh tun ad Jerusalem ya adi tu'u mahkay kumilah udum hi algaw. Ti hom'on ditu'un Apo Dios hi un tu'u mumpahmo' ay Hiya! Ya abulutonay alyon tu'u, at umannung an badangan ditu'u.
20 Manu ti paddungnay ipa'inuman ditu'u, ya pinangan ditu'un Apo Dios hinan nidugah an punligatan, mu Hiya an muntudun ditu'u ya wagwadan ditu'u.
21 At donglon tu'uy hapitnan alyonay, Hiyah te owon, at hituy pange'wanyu.
22 At pumpa"iyu mahkay an amin nan bulul an dayawonyun hay silver ya balitu' di niyamma, ya nun'itapalyu an umatdah nan aluluhnin.
23 Ya wa ay ta mun'oho' ayu ya ipa'alin Apo Dios di udan ta pumhod nan ihabalyu. At dumo'ol mahkay di ma'an, ya dumo'ol di onon nan animal tu'un umat hi baka.
24 At namamah nan pun'aladuonyun baka ya dongki ti hay ipa'anyun dida ya nan namahmah an wheat ya barle.
25 Ya dumo'ol di danum an malpuh nan atata'nang an duntug ya hinan dudunduntug hitun pangabakan tu'uh nan buhul tu'u, at do'olday mun'a'atoy.
26 Ya nan bulan ya ma"abnang an umat hinan algaw. Ya nan patal di algaw ya nidugah an ma'appattal an umat hi patal nan malammung an pitun algaw. At umat hinay ma'at hitun pangipa'adaogan Apo Dios hi paddungnay hugat tu'un tataguna.”
27 Mu awniat amangonyuh Apo Dios
28 Ya mipaddung goh nan bungotnah
29 Mu ditu'u ay an tatagun Apo Dios ya mun'amlong tu'un mungkanta
30 Ya ipadngol Apo Dios nan umipanoh'an hapitna ya nan atonan umubah
31 At nan i'Assyria ya tumata'otdah pangngolandah nan hapit Apo Dios
32 Ya an amin nan pummoltaan Apo Dios ay danen i'Assyria
33 Ya nidadaan tuwalid Topheth hidin penghana ta pangipuulandah nan alid Assyria.