1 Nomnomnomon tu'un hi Apo Dios ya pa"iona tun luta,
2 At hay aat te ya mi'id di adi milagat an ta"on un padi,
3 At nidugah di apa"ian tun luta an paddungnay mihigid an amin di wada.
4 Ti mamaganan tun luta,
5 ti dumalat nan adi pangunudan di tataguh nan Uldin Apo Dios
6 At hiyanan pa"ion Apo Dios tun luta,
7 Ya mun'alyaw an amin nan greyp,
8 At mid mahkay di amlongdan muntukal hinan tambourine ya alpa,
9 ya mi'id mahkay goh di gun ma'amung ta kumanankantada ya immanin'inumda
10 Ya mid hulbin an amin nan babluy an nun'apa"i,
11 Ya mi'id mahkay nongkay di amlong di tataguh tun luta,
12 Ya nidugah di apa"ian nongkay di babluyda
13 At umat hinay aat di ma'at hinan abablubabluy hitun luta,
14 Mu wadaday tataguh appit hi alimuhan di algaw
15 At hiyanan da'yun tatagun wah appit hi buhu'an di algaw
16 Ya ta"on un nan nun'iyadagwin babluy ya awniat madngol di kantadan alyonday,
17 At nidugah an atata'ot di ma'ma'at hitun luta
18 Ti lumayawta ay an dumalat di ta'ot ya ma'uhbungtah nan bitu.
19 at mun'anga'.
20 Ya gapuh bi'ah di alyog ya munhinaggaw tun luta an umat hinan nabutong
21 Ya henen gutud ya moltaon Apo Dios nan numbahol an anghel an wad abuniyan
22 At amungona didah nan way nabo"an an ay baludan
23 Ya homelong nan bulan,