1 Hiyah te impa'innilan Apo Dios hi ma'at hinan ma'alih Nundotal an Babluy an Gun Pangipattigan Apo Dios hinan Ipa'innilanah nan Tatagu. Inalinay,
2 Ya anaad ta humelhel ayun mid poto'nah donglon?
3 Ya an amin nan mumpangipangpanguluh nan tindalum ya numpangalayawda,
4 At hiyanan alyo' di,
5 Ti hi Apo Dios an nidugah di abalinana ya waday pangiyabulutanah a'atan daten nidugah an punholholtapan tu'uh
6 Ti umalida nan i'Elam ya iKir an numpunlugan hi lugan di mi'gubat
7 At nan malumong an numpundotal an punhabalan tu'uh tud Judah ya mapnuh lugan di buhul,
8 Ya pumpa"ida nan allup hitud Judah,
9 Ya tigonyu ta mahapul an mipaphod nan allup hitud Jerusalem,
10 Ya uyaponyu goh nan nipaphod an a'abung hitud Jerusalem,
11 Ya inyammayuy ahayupan di danum hinan numbattanan nan duwan allup
12 Mu binagan ditu'u tuwalih nan nidugah di abalinanan Dios
13 Mu un ayuat goh udot umanla'anla ya immanin'inum
14 Ya inalin goh Apo Dios an nidugah di abalinana ay ha"in di, “Henen baholda ya adi ahan ma'aliwan hi engganah matoyda.”
15 Inalin goh Apo Dios ay ha"in di,
16 Undan hay niyatam udot
17 Nomnomnomom an hi Apo Dios ya itapal da'ah niyadagwin babluy
18 At umat'ah nan bola an odnanda,
19 Ya anon da'ah nan nabagtun haadmu.
20 Ya ipa'ayag'uh Eliakim an hina' Hilkiah ta hiyay mihukat ay he"a.
21 At hiyay mamoltan hinan lubung di ap'apu an inlubungmu, ya nan tamum, ya nan abalinam. At hiyay paddungnay hi aman nan numpunhitud Jerusalem ya an amin hitun ad Judah.
22 Ya pumbalino' hi Eliakim hi ap'apu ta mehnod hinan ali an holag David. At nan ituguna ya ma'unud, at paddungnay nan ibo'tana ya mi'id di mangitangob, ya nan itangobna ya mi'id di mangibughul.
23 Hiya ya mihamad di pun'ap'apuwana ta umat hinan pado' an mihamad an mipado' hinan luta. At hiyay dalat di a'al'alyandan hina"ama.
24 Mu an amindan hina"ama ya nan tutulangna ya hiyay pangedenolandah mahapulda ta umat hinan hallabyan an do'ol di mihabluy an umat hi banga ya tibung.
25 Mu manuh hopapna ti umat nongkay hinan nihamad an hallabyan, mu dumalat di damot nan mun'ihabluy ya la'tot ya naguyud, at magah, ya napa"idan amin nan mun'ihabluy. Ha"in an Dios di nanapit ete.”