1 Nan ma'angang an iMoab an lumayaw an umuy ad Sela an neheggon hinan mapulun
2 Ya nan binabai ay atog an iMoab an bumad'ang hinan wangwang hi ad Arnon ya ma'aladyawdan
3 Ya danen iMoab an nangiyalih kalnilud Jerusalem ya inalidan da'min iJudah di,
4 Ya abulutonyu ni' ahan ta ibaliw da'mih nan pumatoy
5 At mun'ali mahkay nan holag David an dumalat di pamhodnah nan tatagu.
6 Ya inalin din tatagud Judah di,
7 At hiyanan kilaanyuy napa"ian di babluyyu.
8 Ya nan nun'itanom hinan punhabalan ad Heshbon ya mun'a'lengda.
9 Mu awniat pa"ion di buhul nan natamman hi greyp.
10 At mapogpog nan nidugah an pun'amlongan nan tataguh unda mumpugah hi greyp.
11 At hiyanan kumilaa' ya munlungdayaa' hinan na'at hi ad Moab
12 At nan iMoab ya ta"on hi unda gun umuy hinan gunda pundayawan
13 Ya nahhun tuwalin ina'allin Apo Dios daten ma'at hinan iMoab.
14 Mu ad ugwan ya alyonay, “Mala'uh mahkay di tuluy tawon ya mami'id an amin nan inadangyan di iMoab. Ya tuttuluy ma'angang hinan tataguh di, mu mahmo'dan mi'id di abalinanda.”