1 Hi Jacob ya impa'ayagna an amin nan imbabaluyna ta ibaganay ma'at ay didah udum hi algaw.
2 Ya unat goh na'amungda ya inalin Jacob ay diday,
3 He"a, Reuben an pangpangngullu,
4 Mu adi'a matugun an umat hinan humibun luwag di danum,
5 Ya da'yu, Simeon ay Levi, ya numpaddung di aatyu
6 At ha"in an hi amayu ya adi' ahan iyunnud hinan ato'atonyun dumalat hinan amabmabbungotyu,
7 At da'yu ya ma'idutan ayun dumalat nan bungotyun atata'ot ti mi'id homo'yu!
8 He"a, Judah, ya nan a'agim ya ipabagtu da'a ta he"ay e'gonanda,
9 Ya umat'ah nan ma'abbi'ah an layon an abakom nan binuhulmu,
10 At he"a, Judah, ya nan holagmuy munnononnong an mun'alih
11 Ya ta"on unmu eg'od nan dongkim hinan ma"ap'aphod an wa'al nan greyp
12 Ya nan matam ya bubumlah hi ado'ol di inumom an bayah,
13 He"a, Zebulun, ya munhitu'ah nan pingit di baybay ta da'yuy ad lutah
14 Ya he"a, Issachar, ya umat'ah nan mabi'bi'ah hi dongkin mali'uh hinan gagwan di pungkalgaan
15 ti he"a ya malia"a an wa ay ta tigom ta malumong nan luta ya maphod hi pun'eblayan,
16 Ya he"a, Dan, ya he"ay mumpanuh ay da'yun himpangapun
17 Ya umat'ah nan atata'ot an ulog hinan pingit di owon
18 Ya inalin Jacob di, “Apo Dios, hohoddo' di pannagam hinan bumaliw!”
19 Ya intuluy Jacob an himmapit an inalinay,
20 Ya he"a, Asher, ya malmuy do'ol hi mun'aphod an ma'an hinan ihabalmu
21 Ya he"a, Naphtali, ya umat'ah nan nibo'tan an ulhan nawaya,
22 Ya he"a, Joseph, ya umat'ah nan mamungan nitanom an manaphapang hinan way obob.
23 Ya ta"on un nunheglay pangat nan binuhulmun he"an pun'ipdugday panadan he"a
24 mu nala'la'eng'an mamanan dida ti ipabi'ah da'ah nan ongol di abalinanan Dios an dayawon Jacob,
25 ya nan mabi'ah an Dios din o'ommodmuy bumadang ya mungwagah ay he"ah wagah an malpud abuniyan,
26 Ya hatun wagah'un he"an middum nan wagah nan o'ommod'u,
27 Ya he"a, Benjamin, ya umat ah nan ahuh inalahan
28 Hiya hanay nunwagah Jacob ay didan himpulu ta duwan holagna an miyunnudan hi aatda.
29 Ya hi Jacob ya inalina goh ay diday, “Magadyuh di umaya' an middum hinan o'ommod'u. At matoya' ay ya ilubu'a' hinan lubu' ama hinan lingab hidih nan lutan Ephron an holag Heth
30 hi ad Machpelah hi potto' di buhu'an di algaw hi ad Mamre hidid Canaan. Ya hete han luta ya hay lina'uan apun hi Abraham ay Ephron ta ilubu'andan hina"ama.
31 Ya hiyah de di nangilubu'andan Abraham ya din ahawanan hi Sarah, ya hiyah de goh di nangilubu'andan Isaac ya din ahawanan hi Rebekah, ya ta"on hi Leah ya hidi goh di nangilubu'a'.
32 At nan luta ya nan lubu' ya napla' ay Ephron an holag Heth.”
33 Ya unat goh nalpah hi Jacob an ni'hapit hinan imbabaluyna ya nundopag hinan nolo'ana, ya natoy.