1 Ya tinnig'u goh nan numbino'ob'on an punligatan hitun luta
2 At hiyanan hay ninomnom'u ya alyo' di,
3 Mu on'onayna goh damdama at ahan nan tagun agguy nitungaw
4 Ya na'innilaa' goh an manu ay ibibi'ah nan tagun tumamutamu ta umadangyan ti dumalat nan amohnah nan gina'un nan heneggona. Mu hana ya mi'id di hulbina an ay nan tuyup di pudpuduggon!
5 Ya alyonday,
6 Mu on'onayna damdamah un ta"on un itang di wada mu ta malenggoptaat
7 Ya na'innilaa' goh han ohan mi'id di hulbina,
8 an nan tagun umu'utun ya mi'id di imbaluyna,
9 On'onayna nan duwa ya un nan oha
10 Ti gulat ta magah nan oha at wada nan ibbanan mamadang ay hiya,
11 Nan ahitungnin ya mundulpig nan duwan molo',
12 Ya wa ay goh di dumatong hi buhul ya mi'id di mapto' hi un abakon nan un ohan tagu,
13 On'onayna nan nawotwot mu nanomnoman an unga ya un nan nala'ay mu agguy nanomnoman an ali an adina unudon nan mitugun ay hiya.
14 Ti ta"on un unga ya nawotwot unu nalpuh baludan ya mabalin an mumpapto' hinan babluyna.
15 Ya tinnig'un amin nan aat di tataguh tun luta, ya ininnila' an waday ohah nan ungungan mamnoh hinan haad nen ali.
16 Ya manuh hopapna ti do'olday mangunud ya bumadang ay hiya, mu awni ta hay umangunuh at pihulonda. At mi'id di hulbina an un ay nan tuyup di pudpuduggona!