1 Ya umat goh hinan un itang an ibahhawan an bahibahona nan ananomnoman ya nan a'e'gonan
2 Nan tagun nanomnoman ya hay ma"aphod di nomnomonah atona,
3 Ma'immatunan di aat nan manangpah
4 Ya gulat ta bumungot nan ap'apuyun da'yu ya adi ayu bum'on ya nun'aan ayuh nan tamuyu
5 Ya wada goh han nibahhaw an tinnig'u an gun aton nan a'alih tun luta
6 ti nan manangpah ya diday midatan hinan nabagtun haad,
7 Ya tinnig'u goh an nan tatagalay nuntakay hinan kabayu,
8 Ya nan munluhu' hinan bitu ya mid mapto' ya hiyay mabitu,
9 Ya nan tagun munho'tab hi batu ya hiyaat nin goh di magat'unan,
10 Ya wa ay ta ngilu nan wahay at mahapul an pa"olton an mangigeto' ta gumiha,
11 Mi'id di hulbin nan mun'amuh nan ulog hi un nahhun an na'alat!
12 Nan tugun di nanomnoman ya hiyay dumalat hi a'e'gonana,
13 Ti wa ay ta humapit ya mid upid di hapihapitona
14 Ya un nonongan himmapihapit an paddungnay inilanan amin di ma'at hi udum di algaw.
15 Ya higanan nan manangpah an muntamu,
16 At hiyanan gulat ta hiyay mun'ap'apuh nan babluy at mahmo' nan tataguh di
17 Mu mipadenol nan tataguh un nan mumpapto' ay dida ya nan lala'in imbaluy di nahamad di nitaguana,
18 Wa ay ta higanan tu'un muntamu
19 Nan behta ya nan bayah ya hiyanay umamlongan di tagu,
20 Hay oha goh ya ta"on un hi nomnom unu hinan kuwaltu tu'u ya adi tu'u pihulon nan ali ya nan adangyan