1 “Da'yun wad daya, donglonyu ta humapita',
2 Nan itudtudu' ya umatdah madloh an udan,
3 Ti ha"in di mangipa'innilah ngadan Apo Dios
4 Hiya nan ma'alih Batu an Punhi'ugan,
5 Mu da'yu ya pinuhiyuy odolyu,
6 At undan umat hinay ipattigyun Apo Dios
7 Nomnomonyu din na'na'at hidin penghana ya din naluh an holaholag,
8 Ya hidin nangidatan nan na'abbagbagtun Apo Dios hinan luta
9 Mu nan holag Jacob di inlahhin Apo Dios hi bagina.
10 Ya hidin awadandah nan mapulun an mi'id ahan ah tumaguh mitanom
11 an umat hinan pangiyadugan nan agilah nan buyana an muntaytadyapan hinan wadanda,
12 Ya hi Apo Dios ya anggay di mangipapto' hinan tataguna
13 Ya indat Apo Dios di abalinandan mangabak ta hinakupda nan alutaluta,
14 Ya hay udum hi intanudda ya nan gatas di baka ya gandengda,
15 Mu unat goh nawadan amin di mahapul nan holag Jeshurun ta numpangatabada
16 Ta nundayawdah nan bulul an hiyay dumalat hi pun'annilan Apo Dios,
17 Ya bo'on mahkay hi Apo Dios di pun'onnganda
18 Ya naliwandaat goh nan ay Batu an nangidat hi itaguanda
19 Ya unat goh tinnig Apo Dios hanan inatda ya ma'abbungot,
20 At inalinay, Du'go' dida ta tigo' akkay di ma'at ay didah angunuhna
21 Ya impa'annela' hinan nundayawandah nan bo'on nahamad an Dios,
22 Ti nan bungot'u ya ay apuy an dumalang,
23 Ihiit'un diday mahonhonod an ligat,
24 Ya mun'atoydah hinaang,
25 Ya do'ol di mun'atoy hinan kulha an dumalat nan gubat,
26 Ya inali' di iwa'at'u didan amin hitun alutaluta
27 mu adi' iyabulut an mumbagtu nan binuhulda ta umanladan mangalih,
28 At danen holag Israel ya adida matugun,
29 Ya un adya nin nala'engda at innilaonday aat ten na'at
30 Hay olog udot di un ohan tagun mamdug hinan hinlibun tagu?
31 Mu danen binuhul ya i'innilada an mid abalinan nan diosda
32 Ya nappuhiy ato'atonda ti nalpudah nan holag di iSodom,
33 Ya nan bayahda ya umat hinan habidung di ulog an pumatoy.
34 At inalin Apo Dios di,
35 at iballoh'u ta gilato' dida ya un madatngan di gutud di aid mahkay di bi'ahda,
36 At hi Apo Dios ya humalyaona nan tataguna,
37 At alyon Apo Dios di,
38 an diday nangpuh hinan taban nan ene'nongyu,
39 At tigonyud ugwan an Ha"in ya anggay di Dios,
40 At ihapata' an alyon di,
41 ya haito' nan humili an hanggap'u ta ete"a' an munhumalya
42 At nan pana' ya umugtul hinan dalan nan nun'apatoy ya nan nun'akaphul,
43 At da'yun tatagu ya middum ayun mi'yamlong hinan tatagun Apo Dios,
44 At intudun da Moses ay Joshua an hina' Nun heten kantah nan tatagun holag Israel ta dengngolda.
45 Ya unat goh lempah Moses an intudun amin daten kantah nan holag Israel
46 ya inalinay, “Ihamadyun mangunud an amin eten Uldin an intudu' ay da'yud ugwan an algaw. Ya ituduyu goh hinan imbabaluyyu ta way atondan mangihamad an mangunud hi an amin hinan Uldin.
47 Ti heten mitudtudun da'yu ya bo'on un hapit ya anggay ti hiyay dumalat hi pi'taguanyu! Ti unudonyu ay at madnoy di pi'taguanyuh nan babluy an magadyuh hakuponyu an wah nan pangngel di Wangwang an Jordan.”
48 Ya henen algaw goh ya inalin Apo Dios ay Moses di,
49 “Munti'id'ah nan aduntuduntug ad Abarim ta nangamung hinan Duntug an Nebo an lutan di iMoab an wah pangngel nan siudad ad Jericho, ya inamangmu nan lutah ad Canaan an hiyah ne idat'uh nan tatagun holag Israel ta bagida.
50 Ya heden duntug an umayam di hiyay atayam ta middum'ah din o'ommodmu an umat hi natayan agim an hi Aaron hidih nan Duntug an Hor.
51 Ya manu ay umat hinay ma'at ti nan numbaholam hi agguymu nangipattigan hinan hinagang nan tatagun holag Israel an Ha"in ya me'gonana' hidin awadanyuh nan danum hidih ad Meribah an neheggon hinan munisipyud Kadesh hinan Mapulun an Zin.
52 Mu tigom ti amangom ya anggay nan luta an adagwi, mu adi'a umatam enen idat'uh nan tatagun holag Israel.”