1 “Ma"apgohan'a ahan an ahawa'!
2 Nan babam ya ma'appaha' an umat hinan pa'ammoh ya pa'appukis an kalnilu,
3 Ma"aphod ahan di timidmu ti nan pingitna an ma"ablah ya nan tamelmun mumpepengla
4 Ma"aphod goh nan adu"oy an bagangmu an nabuungan hinan numbino'ob'on an ahileletaa'
5 Ma"aphod goh nan huhum an umat hinan nunduppel an ulbun an ulha
6 At padutu'a' an umalin nen duwan duntug
7 Ma"apgohan'a ahan
8 At uya'a mah ya adi'a meheggon ay ha"in ti hay punle'na' ya niyadagwi'a
9 Nan aatmun ahawa' di nalmuwan di anidugah an pamhod'un he"a
10 Uya'ana an nidugah ahan di pamhodmun ahawa' an nidugdugah ya un nan bayah!
11 Ya ta"on hi un nan hunghung di lubungmu ya umat hinan hunghung di ayiw an cedar hi ad Lebanon!
12 Hi ahawa' ya umat hinan niyohhan galden ya obob
13 Ya malubong an amin nan nitanom an umatdah nan ayiw an pomegranate,
14 ya saffron, ya calamus, ya cinnamon, ya myrrh, ya aloe,
15 Ya umat'ah nan obob an munnononnong di danumna
16 “Da'yun tuyup hi immapit hi iggid hi un hagangon di buhu'an di algaw ya paddungnay bumangon ayu,