1 Ya heden nangidatngandah din Kahon an Nittuwan nan Uldin Apo Dios ya impahigupdan impatang hidin balbalun Tuldan Abung an impiyamman David hi ihinana. Ya ene'nongda nan Onong an Moghob ya nan Onong di Pi'lenggopan.
2 Ya unat goh lempah David an ene'nong nan Onong an Moghob ya Onong di Pi'lenggopan ya winagahana nan tataguh ngadan Apo Dios,
3 ya indatana didan amin an linala'i ya binabain holag Israel hi numbino'ob'on an onondah tinapay, ya nan mamagan greyp.
4 Ya pinilin David nan udumnan holag Levi ta diday mangipangpanguluh nan pundayawan ay Apo Dios an dayawon nan holag Israel hinan way hinagang di Kahon an Nittuwan nan Uldin hi aton an munluwalu, ya munyaman, ya panapitan hi a'al'alyana.
5 At hi Asaph di napto' hi mangipangpangulu, ya hi Zechariah di mehnod an bumadang ay hiyah nan ma'at. Ya da Jeiel, ya hi Shemiramoth, ya hi Jehiel, ya hi Mattithiah, ya hi Eliab, ya hi Benaiah, ya da Obed-Edom ya nan oha goh an hi Jeiel di mangipagangoh hinan alpa ya nan i"itang an alpan ma'alih lyre. Ya hi Asaph di mangipagangoh hinan cymbals,
6 ya nan duwan padin da Benaiah ay Jahaziel di gun mangipagangoh hinan talampet hi abigabigat hinan way hinagang nan Kahon an Nittuwan di Uldin.
7 Hiyah ne hopap di nangidatan David ay da Asaph ya nan tutulang nan holag Levi hi mehnod an mikantah punyamanan ay Apo Dios:
8 “Mundenol ayun Apo Dios,
9 Ya ikantayu nan pundayaw ay Apo Dios an dumalat nan inatnan umipanoh'a,
10 ya mun'am'amlong ayun nihakup ay Hiya,
11 Ya hi Apo Dios di pange'kodanyu ta Hiyay pun'adawanyuh badang,
14 Ya Hiyah Apo Dios an Dios tu'u,
15 Hi Apo Dios ya adina aliwan nan Tulagna ti minaynayun an mi'id di apogpogana.
16 Nan Tulag an din intulagnan Abraham
17 ya intulagna goh ay Jacob,
18 Ya inalin Apo Dios ay didan hinohha di,
19 Din hopapna ya nahnotda din tatagun Apo Dios
20 Ya gunda nun'ennewel hinan numbino'ob'on an babluy
21 Mu imbaliwna dida ta mi'id ah nangipaligat ay dida,
22 ya inalinah nan a'aliy,
23 At an amin ayun Hentil hitun alutaluta ya ikantaanyuh Apo Dios,
24 Ya ipa'innilayuh nan numpunhituh nan babluy di aat nan anabagtuna,
25 Ya manu ay alyonyuh ne ti hi Apo Dios
26 ti an amin nan dayawon di Hentil ya un hay inyamman di tatagu an bulul,
27 Ya nan benang ya nahamad an nunle'woh ay Hiya,
28 Da'yun amin an Hentil hitun luta ya hi Apo Dios di dayawonyu,
29 Ipabagtuyuh Apo Dios an nidugah di anabagtuna,
30 At nomnomonyuy aatna ta wumogwog ayu
31 Ya umamlong ayun wad abuniyan ya tun luta,
32 He"an baybay ya gumongagongaah'a ya an amin nan wan he"a,
33 Ya tum'u' nan ayiw an wah nan inalahan an dumalat di amlongdah
34 At mundenol ayun Apo Dios ti Hiya ya ma"aphod
35 Ya alyonyun Hiyay,
36 Ya hay dayawonyu ya hi Apo Dios an Dios nan holag Israel,
37 Ya hi David ya tinaynana da Asaph ya nan tutulangnan holag Levi ta diday manginaynayun an mangipapto' hinan pundayawan hinan wadan nan Tuldan Abung an nihinan nan Kahon an Nittuwan nan Uldin Apo Dios, ya gunda aton hi abigabigat ti hiyah ne nidat hi tamuda.
38 Ya tinaynana goh da Obed-Edom ya din nanom ta walun tutulangna ta mi'tamun dida. Ya hi Obed-Edom an hina' Jeduthun ya hi Hosah di okod an mun'adug hinan pantaw.
39 Ya inhinan David hi Zadok an padi ya din i'ibbanan papadi ta diday okod an mangipangpanguluh nan pundayawandan Apo Dios hinan Tuldan Abung an wah nan nabagtun lugal ad Gibeon,
40 at diday nangitamuh nan Onong an Moghob an me'nong ay Apo Dios hinan pun'onngan, ya gunda inat hinan ahelhehelhelong ya amahdomahdom an hiyah ne inalin din nitudo' an Uldin hi inyuldinah nan holag Israel an adi mapogpog.
41 Ya hay ni'yibbadah di ya da Heman ay Jeduthun ya din udumnan napilin mangikantah nan punyamanan ay Apo Dios an dumalat hinan adi mapogpog an pamhodna.
42 Ya da Heman ay Jeduthun di okod an nangipapto' an nangipagangoh hinan talampet, ya cymbals, ya nan udumnah nan pungkantaan hi pundayaw. Ya nan linala'in holag Jeduthun di nangipapto' hinan mun'adug hi pantaw.
43 At an amin din tatagu ya numpanga'anamutdah nan abungda, ya hi David ya immanamut hi abungna ta wagahana nan pamilyana.