1 Tigom'e tayya Apu Dios tun punligligata'.
2 Ot hanat donglom bahan tun pumpahmo'a' i he''a.
3 Binigat hinan mawmawi"it on mi'hapita' i he"a.
4 Innila' Apu Dios an nunhiglay aggem naminhod hi bahul.
5 Ta'on on nadan munlattuwag ya nunhiglay bungotmun dida.
6 Ya dadagom nadan ma'layyah ya atbohdih nadan hi kittang on pumate ya ta'on on hanadan huma'uha'ul hi ibbada.
7 Mu maphod ahan ta gapuh nan ongal an homo'mu i ha"on ya mabalin an hunggopa' hinan pundayawan i he"a ta dayawon da'ah nan Templo.
8 Ot hanat boddangana' ta unudo' nadan pohdom an ta'on hi dakolda tayya tudan mi'buhul i ha''on.
9 Ya ma"id ha dinol'u hinan ibagada.
10 Ot hanat dusaom dida ta madadagda.
11 Mu hanadan mangididinol i he''a an gapuh pamhoddan he"a ya hanat pa'amlongom dida ta nanongnan ikankantaday pun'amlonganda.
12 Innila' Apu Dios an wagaham nadan mangun'unud i he''a.