1 Mipa'amlong nan tagun pinakawan Apu Dios an namin di numbahulana.
2 Ot mipa'amlong nimpeh diyen tagu te pinakawan Apu Dios nadan numbahulana ta adina mo attaon an e kumulukuluk hi ibbana.
3 Hidin agge' nangitutuyuwan hinadan numbahula' ya abigabigat on ma"id ha linggop di nomnom'u ta pamaag ya ay mun'angpuh di adol'u.
4 Te ahodohodom ya abigabigat nimpe ya li'li'nao' nan pundusan Apu Dios i ha''on.
5 Mu hidin inabulut'un numbahula' ot ibaga' i he"a Apu Dios dadiyen numbahula' ya pinakawana'.
6 Ot ad uwanin mabalin ni' an donglom di dasal nadan mangun'unud i he''a ya hanat mundasaldan he''a.
7 Ot he''a Apu Dios di paddungnay ihi''uga' ta ihwanga' hinadan adi maphod an ma'ma'at.
8 Ot alyon Apu Dios di, Ituddu' di nipto' hi unudonyu.
9 Ot maphod di na'na'unnud ayu ta adi ayu umat hinan kabayu an gahin di ipakamelan hi gumo' ya ahi umunud ta ipluynah nan pohdon nan nitakken pangipluyana. Nan Kabayun Waday Impakameldan Gumo'|alt="i0001 The horse with a briddle" src="HK004B.tif" size="col" loc="32:9" copy="HK" ref="Psalm 32:9"
10 Hanadan adi maphod di pangatda ya dakol di punligatanda.
11 Ot dita'un mangun'unud i Apu Dios ya mundinol ta'un hiya.