1 Madayaw hi Apu Dios.
2 Ta mun'am'amlong ta'un tinanud Israel hinan nunlumu i dita'u.
3 Ya hanat manayo ta'u ya usalon ta'u nadan harp ya tamburin an mundayaw i Apu Dios.
4 Te dita'un tatagunay mangipa'amlong i hiya.
5 Ot da'yun i'iba an mangun'unud i Apu Dios, hanat mun'am'amlong ayu hi nangabakanyu.
6 Ya hanat ikankantayuy pundayawyun hiya an ta'on on pingngolyuy ispadayu.
7 Ta eyu gubaton di abobboble ta pun'abakyu dida ya dinusayu nadan tataguhdi.
8 Ta tiliwonyu nadan patulda ya a'ap'apuda ya numbangkilinganyu dida
9 ta madusada nimpe an miyunnudan hinan imbagan Apu Dios an dusada.