1 “Da bad kine stuff da Judah peopo do,
2 Even dea kids no foget fo pray in front da altars fo odda gods,
3 I goin let da army dat goin come take ova da hill dat stay spesho fo me.
4 You guys get da blame!
5 Dis da message from Da One In Charge:
6 Dose guys goin be jalike one bush dat no mo leaf inside da up country boonies.
7 “But fo da guys dat trus me, Da One In Charge,
8 Dey goin be jalike da trees dat somebody plant nea da watta.
9 “Us peopo, inside we stay sly, fo real kine!
10 “Me, Da One In Charge, I da One dat know wat erybody tink.
11 “Da guy dat come rich but he no do um da right way,
12 “You Da One In Charge, an yoa Temple, az yoa throne, da Awesome One!
13 You Da One In Charge, da One us Israel peopo wait fo!
14 “Da One In Charge make me come good all ova,
15 But you know wat? Peopo stay tell me,
16 “But me, I neva bag from yoa sheeps
17 No make me come sked a you!
18 “Da guys dat stay come afta me,
19 Dis anodda message from Da One In Charge fo me: “Go stan by da main town gate dat da peopo use. Dass da one wea da Judah king guys come inside an go outside Jerusalem. Den go stan by all da odda gates fo Jerusalem too.
20 Tell um: ‘Lissen wat Da One In Charge stay tell, you Judah kings, an all da Judah peopo, an all da Jerusalem peopo dat come inside dese gates!
21 Dis da message from Da One In Charge: You betta watch out if you like stay alive! No carry stuff on da Res Day, an no bring stuff inside da Jerusalem gates dat day!
22 No bring stuff outa yoa house an no work on da Res Day! Make dat day spesho fo me, jalike I wen tell yoa ancesta guys dey gotta do!
23 But yoa ancesta guys neva lissen fo real kine. Dey ony come hard head. Wen I tell um fo do stuff da right way, dey ony make deaf ear.’
24 “Den Da One In Charge tell: ‘But if you guys lissen me fo real kine, you no goin bring stuffs inside da gates fo dis big town on da Res Day. Make dat day spesho fo me, an no work on da Res Day!
25 Den garans goin get king guys dat sit on top David throne, an dey goin come inside da gates fo dis big town wit dea leada guys. Dey goin come inside on top war wagons an horses, dem an dea leada guys, an da guys from Judah, an da peopo from Jerusalem. Den dis big town goin get peopo living inside, all da time.
26 Da peopo goin come from da Judah towns, an da small towns aroun Jerusalem, from da Benjamin ohana land, an da small hills makai side, from up country Judah, an from da Negev boonies. Dey goin bring animals fo make burn up kine sacrifice an odda kine sacrifice, da wheat o barley sacrifice, da incense fo burn fo me, an da sacrifice fo tell me mahalo plenny. Dey goin bring all dat to da Temple Fo Da One In Charge.
27 But if you no lissen wat I tell you fo do, an no make da Res Day spesho fo me, wen you come inside da Jerusalem gates an carry stuff wit you on da Res Day, den I goin burn up da Jerusalem gates wit one fire dat no mo nobody can pio. Da fire goin wipe out da strong wall all aroun Jerusalem.’”