1 “Eh God! Erybody in da world get hard work dey gotta do.
2 Dey all jalike slave guys dat fo real kine like stay in da shade but no can.
3 Az how God give me months wen I stay wait fo notting.
4 Wen I lay down I tink, ‘How long befo I get up?’
5 My body get worms an dirty scabs all ova.
6 “My days go mo fas den da stick da weava guys use.
7 God, no foget dat my life stay jalike one wind dat blow ony short time!
8 Whoeva see me now, bumbye dey no goin see me no moa.
9 Jalike one cloud go way, an no stay no moa,
10 Dey no goin dea house no moa,
11 “An az why I no goin hold back wat I like tell.
12 You tink I jalike da ocean, o wat?
13 Wen I tink my bed goin make me feel good inside,
14 Even den you make me sked wit bad kine dreams.
15 Mo betta somebody choke my neck fo me mahke!
16 I hate my life!
17 “How come you ack jalike peopo importan?
18 You check us out ery morning,
19 How come you no back off from me,
20 If I wen do one bad kine ting, dat no goin do notting to you.
21 How come you no hemo da shame I get cuz I do bad kine stuff?!