1 “You tink you can pull in one big Leviatan kine sea monsta wit one fish hook, o wat? No ways!
2 You tink you can put one rope aroun his jaw?
3 You tink da Leviatan goin beg you ova an ova fo give um chance?
4 You tink he goin make one deal wit you,
5 You goin make him yoa pet jalike he one small bird?
6 You tink da trader guys goin like buy him?
7 You goin stab him all ova wit spears?
8 You even go touch one Leviatan monsta, you no goin foget dat fight, eva!
9 If you tell, ‘I stay shua I goin win ova him,’ dat show you bulai!
10 No mo nobody pupule enuff fo make da Leviatan like fo fight.
11 Who can tell dat me, Da One In Charge, owe dem someting an I gotta pay?
12 “Fo shua I goin talk bout da Leviatan monsta legs,
13 Nobody can take off his skin.
14 Nobody goin try open his mout,
15 Da scales on his back, dey rows a shields.
16 Ery shield stay real nea da oddas,
17 Ery shield stick to da nex ones.
18 Wen da Leviatan monsta make noise, jalike light flash outa his eyes.
19 Jalike fire come outa his mout.
20 Smoke come out from his nose,
21 He breave an da coals start fo burn.
22 His neck real strong.
23 Even da parts a his body dat hang down stick togedda.
24 His ches hard jalike one big rock.
25 Wen he jump up fo grab food,
26 Da swords dat reach him no hurt him notting.
27 He make to da iron metal jalike az da junk kine stuff from da wheat.
28 He no run away from da arrows.
29 Fo him, da club not heavy.
30 Da scales undaneat his belly real sharp,
31 Wen da Leviatan go down inside da deep watta,
32 He leave one shining trail in back a him.
33 No mo notting on da earth jalike da Leviatan monsta!
34 All da high makamaka animals sked a da Leviatan!