1 Afta dat, Job start fo talk to his frenz. He tell dat mo betta he neva born.
2 He tell:
3 “I like fo da day I born neva happen!
4 I like erybody foget bout dat dark day.
5 I like da shadows an da dark take ova dat day.
6 I like da mo dark kine stuff take ova dat nite.
7 I like fo no odda bebes born dat nite,
8 I like da peopo dat know how fo put kahuna on top one day,
9 I like da early morning stars fo dat day come dark.
10 I stay bum out, cuz dat nite da door fo da opu wea I stay, neva shut,
11 “How come I neva mahke wen I born?
12 How come get somebody fo take kea me?
13 Cuz if I wen mahke den,
14 I can sleep wit da kings an peopo dat know wass good fo do on top da earth,
15 Maybe I can sleep wit da leada guys dat wen get gold,
16 How come dey neva hide me inside da groun
17 Ova dea inside da Mahke Peopo Place,
18 Ova dea da prisonas can res togedda an no need work.
19 Da guys dat not importan, an da guys dat stay importan,
20 “How come God let somebody still see da light wen dey stay suffa?
21 Fo real, dey stay wait fo mahke, but dey no mahke.
22 Dat kine peopo stay plenny good inside
23 How come God let one guy jalike me stay alive
24 I ony yell an moan, an no can eat.
25 Erytime, I wen stay plenny sked bout dis kine stuff,
26 I no mo res inside. I no stay quiet inside.