1 Job talk some moa:
2 “Fo shua, I like how was dat time dat awready wen happen!
3 Dat time, jalike God make his light shine on top me,
4 I like da time come one mo time wen I stay strong,
5 Az was da time wen Da God Dat Get All Da Powa still stay wit me,
6 Wen my cows give plenny milk,
7 “Dat time, wen I go out wit da leadas to da town gate,
8 Da young guys move one side wen dey see me.
9 Da main guys no talk no moa.
10 Da importan guys stay quiet.
11 “Whoeva hear me, dey tell I stay good inside.
12 Cuz I wen get da peopo dat no mo notting outa trouble
13 Da guys dat know dey goin mahke,
14 I make shua I do da right ting erytime,
15 I was da eyes fo da guys dat no can see,
16 I was jalike one faddah fo da peopo dat no mo notting.
17 Da guys dat do wass not right, I wen bus up dea teets.
18 “I wen tink, ‘Fo shua I goin mahke inside my house.
19 I goin be jalike one tree. My roots goin stay spread out an reach da watta.
20 Peopo goin get respeck fo me,
21 “Erybody wen wait fo dem lissen me,
22 Afta I wen talk, dey no like change notting I tell um.
23 Dey wait fo me talk
24 Wen I smile at dem, dey no stay shua az fo real wat I stay do.
25 I da guy pick da way dey gotta go. I da leada guy fo dem.